SportPress.kz قازاقستان سپورت جاڭالىقتارى
استانادا بوكستان ەرەسەكتەر اراسىندا باستالعان «ەلوردا كۋبوگى» حالىقارالىق ءتۋرنيرىنىڭ ەكىنشى كۇنى شارشى قازاقستان بوكسشىلارىنىڭ باسىم بولىگى جەڭىسكە جەتتى، دەپ حابارلادى قازاقستان بوكس فەدەراتسياسى.
ولاردىڭ اراسىندا ءبىرىنشى، ەكىنشى جانە ءۇشىنشى ءنومىرلى بولىپ ءوزارا قولعاپ تۇيىستىرگەن وتانداستارىمىز دا بار.
ەرلەر اراسىندا جاندوس قىدىراليەۆ وزبەكستاننىڭ وكىلى اسادبەك رادجابوۆتى، المات ءابدۋالي 2015 جىلعى الەم چەمپيوناتىنىڭ قولا جۇلدەگەرى، لوندون جانە ريو وليمپياداسىنا قاتىسقان ءۇندىستان بوكسشىسى شيۆا تاپانى، ايبەك ورالباي نۇرلان ساپاربايدى تىزە بۇكتىردى.
سول سياقتى جاستار اراسىندا ازيا چەمپيونى باحتيار انارباەۆ تاجىكستاننىڭ وكىلىن ايقىن باسىمدىقپەن جەڭدى. انارباەۆ ەرەسەكتەر اراسىنداعى العاشقى جارىسىنا قاتىستى.
الماس دۇيسەنقۇل دا قىرعىزستاننىڭ بوكسشىسىنان 5:0 ەسەبىمەن ايلاسىن اسىردى.
ساعىندىق توعامباي مەن قامشىبەك قوڭقاباەۆ تا ەكىنشى جەكپە جەگىندە جەڭىمپاز اتاندى.
ەرتۋعان زەينۋللينوۆ پەن بەكزات ماقجان قارسىلاستارىنا ەسە جىبەردى.
بۇعان دەيىن ەرلەر اراسىندا كارىم سەركەباەۆ، ماحمۇد سابىرحان، سەرىك تەمىرجانوۆ، نۇرقانات رايىس، ارمات ارمان ۇلى، امان قونىسبەكوۆ، اسلانبەك شىمبەرگەنوۆ، دارحان دۇيسەباي مەن نۇربەك مۇرسال دا قارسىلاستارىن جەڭگەن بولاتىن.
ايەلدەر اراسىندا انەل ساقىش دامەتكەن كەلىمبەتتى 5:0 (ەكەۋى دە قازاقستان) ەسەبىمەن جەڭسە، ەلدانا تاليپوۆا ءۇندىستاننىڭ سپورتشىسىن 4:1 ەسەبىمەن جەڭدى.
دينا جولامان وزبەكستاننىڭ وكىلىنەن باسىم ءتۇستى.
وكىنىشكە قاراي، Elorda Cup حالىقارالىق ءتۋرنيرىنىڭ العاشقى اينالىمىندا جاستار اراسىندا الەم چەمپيونى ەلينا بازاروۆا 2014 جىلعى جاسوسپىرىمدەر اراسىندا وليمپيادا چەمپيونى، پاريج وليمپياداسىنىڭ جولداما يەگەرى قىتايلىق چانگ يۋانگە 0:5 ەسەبىمەن، ايدانا زابىنبەكوۆا دا ءۇندى بوكسشىسىنان 0:5 ەسەبىمەن جەڭىلدى.
ەۆگەنيا گرافەەۆانىڭ جاتتىقتىرۋشىلارى بوكسشىنىڭ قاباعىنىڭ جارىلۋىنا بايلانىستى جەكپە جەكتى توقتاتتى. جەڭىس ماروككو سپورتشىسىنا بەرىلدى.
كەشە ايىم جۇماباي، جازيرا وراقباەۆا مەن دەلفينا ءابىلحان العاشقى جەڭىستەرىن تويلاعان بولاتىن.
انجەليكا تسويدىڭ جەكپە-جەككە شىقپاۋىنا بايلانىستى جەڭىس توميريس مىرزاقۇلعا بەرىلدى. سول سياقتى، اياۋلىم بورانباەۆا رينگكە كوتەرىلمەگەن سوڭ دامەتكەن كەلىمبەت كەلەسى اينالىمعا شىقتى.
بەيبىت قازاقباي وزبەكستان وكىلىنەن جەڭىلدى.
ەندى بۇگىن، جارىستىڭ ءۇشىنشى كۇنى 1/4 فينالدا الەم چەمپيونى ساكەن بيبوسىنوۆ 2022 جىلعى 22 جاسقا دەيىنگى ازيا چەمپيونى، وزبەكستاننىڭ سپورتشىسى مۋحاممادكودير ماميرجونوۆپەن، ماحمۇد سابىرحان حۋدوينازار فايزوۆپەن، اسىلجان سەرىكباي جاپونيانىڭ چەمپيونى كەيتا ناكايامامەن، سەرىك تەمىرجانوۆ ازيا چەمپيوناتىنىڭ قولا جۇلدەگەرى، ءۇندى بوكسشىسى ۆاريندەر سينحپەن، اسلانبەك شىمبەرگەنوۆ تاعى ءبىر ءۇندى ەلىنىڭ بىلعارى ۇولعاپ يەسى حيتەش حيتەشپەن قولعكاپ تۇيىستىرەدى.
دارحان دۇيسەباي وزبەكستاندىق حاۆاسبەك اسادۋللاەۆپەن، وزبەكستاننىڭ قونىس اۋدارىپ، قازاقستان ازاماتتىعىن العان بوكسشىمىز امان قونىسبەكوۆ جاپونيانىڭ چەمپيونى نوبۋحورو حيراناكامەن، نۇرقانات رايىس وزبەكستاننىڭ 2023 جىلعى الەم چەمپيوناتىنىڭ قولا جۇلدەگەرى الوحون ابدۋللاەۆپەن شارشى الاڭعا شىعادى.
View this post on Instagram
