SportPress.kz Qazaqstan sport jańalyqtary
Astanada bokstan eresekter arasynda bastalǵan «Elorda kýbogy» halyqaralyq týrnıriniń ekinshi kúni sharshy Qazaqstan boksshylarynyń basym bóligi jeńiske jetti, dep habarlady Qazaqstan boks federaııasy.
Olardyń arasynda birinshi, ekinshi jáne úshinshi nómirli bolyp ózara qolǵap túıistirgen otandastarymyz da bar.
Erler arasynda Jandos Qydyralıev О́zbekstannyń ókili Asadbek Radjabovty, Almat Ábdýálı 2015 jylǵy álem chempıonatynyń qola júldegeri, London jáne Rıo Olımpıadasyna qatysqan Úndistan boksshysy Shıva Tapany, Aıbek Oralbaı Nurlan Saparbaıdy tize búktirdi.
Sol sııaqty jastar arasynda Azııa chempıony Bahtııar Anarbaev Tájikstannyń ókilin aıqyn basymdyqpen jeńdi. Anarbaev eresekter arasyndaǵy alǵashqy jarysyna qatysty.
Almas Dúısenqul da Qyrǵyzstannyń boksshysynan 5:0 esebimen aılasyn asyrdy.
Saǵyndyq Toǵambaı men Qamshybek Qońqabaev ta ekinshi jekpe jeginde jeńimpaz atandy.
Ertýǵan Zeınýllınov pen Bekzat Maqjan qarsylastaryna ese jiberdi.
Buǵan deıin erler arasynda Kárim Serkebaev, Mahmud Sabyrhan, Serik Temirjanov, Nurqanat Raıys, Armat Armanuly, Aman Qonysbekov, Aslanbek Shymbergenov, Darhan Dúısebaı men Nurbek Mursal da qarsylastaryn jeńgen bolatyn.
Áıelder arasynda Ánel Saqysh Dámetken Kelimbetti 5:0 (ekeýi de Qazaqstan) esebimen jeńse, Eldana Talıpova Úndistannyń sportshysyn 4:1 esebimen jeńdi.
Dına Jolaman О́zbekstannyń ókilinen basym tústi.
О́kinishke qaraı, Elorda Cup halyqaralyq týrnıriniń alǵashqy aınalymynda jastar arasynda álem chempıony Elına Bazarova 2014 jylǵy jasóspirimder arasynda Olımpıada chempıony, Parıj Olımpıadasynyń joldama ıegeri qytaılyq Chang Iýange 0:5 esebimen, Aıdana Zabynbekova da úndi boksshysynan 0:5 esebimen jeńildi.
Evgenııa Grafeevanyń jattyqtyrýshylary boksshynyń qabaǵynyń jarylýyna baılanysty jekpe jekti toqtatty. Jeńis Marokko sportshysyna berildi.
Keshe Aıym Jumabaı, Jazıra Oraqbaeva men Delfına Ábilhan alǵashqy jeńisterin toılaǵan bolatyn.
Anjelıka oıdyń jekpe-jekke shyqpaýyna baılanysty jeńis Tomırıs Myrzaqulǵa berildi. Sol sııaqty, Aıaýlym Boranbaeva rıngke kóterilmegen soń Dámetken Kelimbet kelesi aınalymǵa shyqty.
Beıbit Qazaqbaı О́zbekstan ókilinen jeńildi.
Endi búgin, jarystyń úshinshi kúni 1/4 fınalda álem chempıony Sáken Bıbosynov 2022 jylǵy 22 jasqa deıingi Azııa chempıony, О́zbekstannyń sportshysy Mýhammadkodır Mamırjonovpen, Mahmud Sabyrhan Hýdoınazar Faızovpen, Asyljan Serikbaı Japonııanyń chempıony Keıta Nakaıamamen, Serik Temirjanov Azııa chempıonatynyń qola júldegeri, úndi boksshysy Varınder Sınhpen, Aslanbek Shymbergenov taǵy bir úndi eliniń bylǵary uolǵap ıesi Hıtesh Hıteshpen qolǵkap túıistiredi.
Darhan Dúısebaı ózbekstandyq Havasbek Asadýllaevpen, О́zbekstannyń qonys aýdaryp, qazaqstan azamattyǵyn alǵan boksshymyz Aman Qonysbekov Japonııanyń chempıony Nobýhoro Hıranakamen, Nurqanat Raıys О́zbekstannyń 2023 jylǵy álem chempıonatynyń qola júldegeri Alohon Abdýllaevpen sharshy alańǵa shyǵady.
View this post on Instagram
