مايك تايسون بلوگەرمەن بوكستاسادى (ۆيدەو)

20 شىلدەدە اقش-تىڭ ارلينگتون قالاسىنداعى 105 مىڭ ادامعا ارنالعان «ەي-تي-ەند-تي ستەديۋم» ستاديونىندا الەمنىڭ اسا اۋىر سالماقتاعى ەكس-چەمپيونى مايك تايسون مەن بەلگىلى بلوگەر-بوكسشى دجەيك پول قولعاپ تۇيىستىرەدى.

كەشە بوكسشىلار وسى جەكپە-جەككە ارناپ، ءباسپاسوز ءماسليحاتىن وتكىزىپ، سالماق ولشەۋ ءراسىمىن جاسادى. قازىر مايك تايسون 57 جاستا. 30 ماۋسىمدا ول 58-گە كەلەدى. ال دجەيك پولدىڭ جاسى 27-دە. ءدال قازىر ەكەۋى جەكپە-جەككە دايىندالىپ جاتىر.

مايك تايسون سوڭعى رەت 2020 جىلى قاراشا ايىندا الەمنىڭ جارتىلاي اۋىر سالماقتاعى ەكس-چەمپيونى روي دجونسپەن بوكستاستى. بۇل جەكپە-جەك تەڭ ەسەپپەن اياقتالدى. سول كۇنى تايسوننىڭ قازىرگى قارسىلاسى دجەيك پول ۇلتتىق باسكەتبول قاۋىمداستىعى ليگاسىندا ويناعان نەيت روبينسونمەن جۇدىرىقتاسقان بولاتىن. وسى جەكپە-جەكتە پول باسكەتبولشىنى نوكاۋتقا جىبەرگەن ەدى.

2023 جىلى قازان ايىندا تايسوننىڭ وكىلدەرى «ەندى مايك ەشقاشان شارشى الاڭعا شىقپايدى»، دەپ مالىمدەدى. بىراق تايسون شاماسىن تاعى ءبىر سىناپ كورگىسى كەلىپ، دجەيك پولمەن بوكستاسۋعا كەلىسىمىن بەرەدى.

تايسونمەن جەكپە-جەك وتە قيىن بولاتىنىن بىلەمىن. مەندە ءبىر قورقىنىش بار. بىراق مەنى دە جاقسى تۇسىنىڭىزدەر. نوكاۋتقا تۇسەمىن دەپ قورقىپ وتىرعان جوقپىن. مەن باتىل بولعىم كەلەدى. بارىنە باتىل ادام ەكەنىمدى كورسەتەمىن. ونىمەن جۇدىرىقتاسۋدىڭ ءوزى باتىلدىق دەپ ويلايمىن.

دەگەنمەن مەنى ۇرەي مەن قورقىنىش توقتاتپايدى. مايك مەنىمەن بوكستاسۋعا كەلىسىم بەرگەنى ءۇشىن قاتتى قاتەلەسەتىن بولادى. مەن مايكقا كىمنىڭ مىقتى ەكەنىن مىنا جۇدىرىقپەن كورسەتەمىن، — دەدى دجەيك پول.

مايك تايسون كاسىپقوي بوكستاعى مانسابىن 2005 جىلى اياقتاعان ەدى. ول شارشى الاڭدا 50 رەت جەڭىسكە جەتىپ، 44 ايقاستا قارسىلاسىن نوكاۋتقا جىبەردى. 6 جەكپە-جەكتە جەڭىلدى.

دجەيك پول 10 جەكپە-جەكتى جەڭىپ، ءبىر رەت عانا قازىرگى اۋىر سالماقتاعى الەم چەمپيونى تايسون ءفيۋريدىڭ ءىنىسى توممي فيۋريدەن جەڭىلدى.

داستان كەنجالين،

استانا

Mike Tyson and Jake Paul face off 👀

Who you got in this fight? 🤔

(via @OmarESPN، @jakepaul) pic.twitter.com/CAG3NRsue1

— ESPN Ringside (@ESPNRingside) May 13، 2024