Maık Taıson blogermen bokstasady (VIDEO)

20 shildede AQSh-tyń Arlıngton qalasyndaǵy 105 myń adamǵa arnalǵan «Eı-tı-end-tı Stedıým» stadıonynda álemniń asa aýyr salmaqtaǵy eks-chempıony Maık Taıson men belgili bloger-boksshy Djeık Pol qolǵap túıistiredi.

Keshe boksshylar osy jekpe-jekke arnap, baspasóz máslıhatyn ótkizip, salmaq ólsheý rásimin jasady. Qazir Maık Taıson 57 jasta. 30 maýsymda ol 58-ge keledi. Al Djeık Poldyń jasy 27-de. Dál qazir ekeýi jekpe-jekke daıyndalyp jatyr.

Maık Taıson sońǵy ret 2020 jyly qarasha aıynda álemniń jartylaı aýyr salmaqtaǵy eks-chempıony Roı Djonspen bokstasty. Bul jekpe-jek teń eseppen aıaqtaldy. Sol kúni Taısonnyń qazirgi qarsylasy Djeık Pol Ulttyq basketbol qaýymdastyǵy lıgasynda oınaǵan Neıt Robınsonmen judyryqtasqan bolatyn. Osy jekpe-jekte Pol basketbolshyny nokaýtqa jibergen edi.

2023 jyly qazan aıynda Taısonnyń ókilderi «Endi Maık eshqashan sharshy alańǵa shyqpaıdy», dep málimdedi. Biraq Taıson shamasyn taǵy bir synap kórgisi kelip, Djeık Polmen bokstasýǵa kelisimin beredi.

Taısonmen jekpe-jek óte qıyn bolatynyn bilemin. Mende bir qorqynysh bar. Biraq meni de jaqsy túsinińizder. Nokaýtqa túsemin dep qorqyp otyrǵan joqpyn. Men batyl bolǵym keledi. Bárine batyl adam ekenimdi kórsetemin. Onymen judyryqtasýdyń ózi batyldyq dep oılaımyn.

Degenmen meni úreı men qorqynysh toqtatpaıdy. Maık menimen bokstasýǵa kelisim bergeni úshin qatty qatelesetin bolady. Men Maıkqa kimniń myqty ekenin myna judyryqpen kórsetemin, — dedi Djeık Pol.

Maık Taıson kásipqoı bokstaǵy mansabyn 2005 jyly aıaqtaǵan edi. Ol sharshy alańda 50 ret jeńiske jetip, 44 aıqasta qarsylasyn nokaýtqa jiberdi. 6 jekpe-jekte jeńildi.

Djeık Pol 10 jekpe-jekti jeńip, bir ret ǵana qazirgi aýyr salmaqtaǵy álem chempıony Taıson Fıýrıdiń inisi Tommı Fıýrıden jeńildi.

Dastan KENJALIN,

ASTANA

Mike Tyson and Jake Paul face off 👀

Who you got in this fight? 🤔

(via @OmarESPN, @jakepaul) pic.twitter.com/CAG3NRsue1

— ESPN Ringside (@ESPNRingside) May 13, 2024