استانادا العاش رەت ازيا تەننيس فەدەراتسياسىنىڭ ديرەكتورلار كەڭەسى باس قوستى

استانادا العاش رەت ازيا تەننيس فەدەراتسياسى ديرەكتورلار كەڭەسىنىڭ جيىنى بولدى، دەپ حابارلادى قازاقستان تەننيس فەدەراتسياسى.

وعان  قىتاي، ءۇندىستان، كورەيا رەسپۋبليكاسى، وزبەكستان، كامبودجا، پاكستان، تۇركمەنستان، ءباا، ساۋد ارابياسى، مالايزيا، سينگاپۋر، گونكونگ، يوردانيانىڭ وكىلدەرى قاتىستى.

كۇن تارتىبىندە ءۇش ماسەلە قارالدى. ءبىرىنشى ماسەلە ينفراقۇرىلىمدى جاقسارتۋ، ەكىنشىسى، جاتتىقتىرۋشىلاردىڭ الەۋەتتى ارتتىرۋ جانە ءۇشىنشى ماسەلە تەننيستى قارجىلاندىرۋعا ارنالدى.

ەلىمىزدە تەننيس سپورتىن دامىتۋ ءۇشىن ازيا تەننيس فەدەراتسياسىنىڭ ديرەكتورلار كەڭەسىن وتكىزىپ، كەڭەسشىلەر توبىمەن كەزدەسەنىمىز  بىز ءۇشىن ۇلكەن قۇرمەت.

قازاقستان ازيانىڭ كوپتەگەن ەلدەرى ءۇشىن تابىستى دامۋدىڭ ۇلگىسى بولىپ وتىر. سوڭعى 17 جىلداعى ىلگەرىلەۋىمىز جۇيەلى جۇمىس پەن ينۆەستيتسيا تارتۋدا جەتكەن جەتىستىگىمىزدى كورسەتەدى. ەكى كۇن بويى ديرەكتورلار كەڭەسىنىڭ مۇشەلەرى ازيادا تەننيستى دامىتۋدىڭ ستراتەگياسى، ەلدەر اراسىندا بايلانىستى نىعايتۋ ءۇشىن قولدانۋعا بولاتىن باسىمدىلىقتار مەن باستامالار تۋرالى ايتتى.

قۇرلىقتىڭ ۇزدىك ويىنشىلارى ءبىر-بىرىمەن سىنعا تۇسە الاتىن جاڭا تۋرنيرلەردى ۇيىمداستىرۋ، جاس تەننيسشىلەردىڭ جاسوسپىرىمدەر كەزەڭىنەن كاسىبي دەڭگەيگە جەتۋ توڭىرەگىندە پىكىر الىستى، — دەدى ازيا تەننيس فەدەراتسياسىنىڭ پرەزيدەنتى يۋري پولسكي.

ونىڭ ايتۋىنشا، دەلەگاتتار قازاقستاندا بالالاردىڭ قالاي جاتتىعاتىنىن كوزبەن كورۋ ءۇشىن Beeline Arena ۇلتتىق تەننيس ورتالىعى مەن «داۋلەت» تەننيس ورتالىعىندا بولىپ، جاتتىقتىرۋشىلارمەن كەزدەستى.

ول ديرەكتورلار كەڭەسى اتىنان قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆقا العىس ايتتى.