Elge Everestke shyqqan alpınıster oraldy (VIDEO)

Dúnıejúziniń eń bıik shyńy — Everest shyńyna (8848 m) shyqqan qazaqstandyq alpınıster Maqsut Jumaev, Anar Býrasheva pen Álmir Qymbatbaıuly elge oraldy. QazAqparattyń habarlaýynsha, olardy Almatynyń áýejaıynda qaýmalaǵan halyq kútip aldy.

Bul ekspedıııa elimizdiń memlekettik týyn álemniń eń bıik shyńynda kóterý maqsatynda boldy. Osy jerde atap ótetin bir nárse, Everestke (Djomalýngma, — tıbetshe, Sagarmatha, — nepalsha) shyqqan Anar Býrasheva qazaq áıelderinen tuńǵysh ret álemniń eń bıik shyńyna kóterilgen alpınıst atandy. Bul topta ǵalamshardaǵy 14 segiz myńdyqtyń barlyǵyn baǵyndyrǵan aty ańyzǵa aınalǵan qazaq alpınısi Maqsut Jumaev Anar Býrashevaǵa jetekshilik etti.

Qorǵanys mınıstrliginiń ujymy alpınısterge komandanyń Gımalaı taýynda bolyp, aýa raıynyń qıyndyǵyna qaramastan bıik shyńǵa kóterilý kezinde kórsetken batyldyǵy men batyrlyǵy úshin alǵys bildirdi.

Kezdesýde Maqsut Jumaev Anar Býrashevaǵa Everestke shyǵýǵa kómektesý burynnan bergi armany bolǵanyn aıtyp, sol maqsatqa jetýge kómektesken adamdarǵa alǵys sezimin jetkizdi.

Anar Býrasheva bolsa, ekspedıııa kezinde óz otbasynyń basty motıvatory bolǵanyn aıtty.

Otbasymnyń sýretteri kúrteshemniń júrek tusyndaǵy qaltada boldy. Taýǵa shyqpas buryn biz «Pýdja» rásimin jasadyq. Taýdan kóterilýge ruqsat surap, aman-esen oralýymyzdy tiledik. Anamnyń duǵasy meni aman saqtap qalǵanyn da bilemin. Bizdiń ekspedıııamyzǵa qyzyǵýshylyq tanytyp, qoldaý kórsetken barlyq otandastarymyzǵa rahmet!, — dedi Anar Býrasheva.

Eske sala ketsek, 12 mamyrda Nepal ýaqytymen tańǵy saǵat 07:25-te quramynda Anar Býrasheva men Maqsat Jumaev bar Kazakh Everest Team komandasy álemniń eń bıik shyńy – Everest shyńyna (8 848 m) kóterilgen bolatyn.

12 mamyrda daýyl men boranǵa baılanysty kóp ekspedıııa baǵytynan keri qaıtty. Tek bes eldiń alpınısteri ǵana Everestke shyqty. Olardyń arasynda bizdiń otandastarymyz bar. Tarıhta álemniń eń bıik shyńyna shyqqan tuńǵysh qazaq qyzy Anar Býrasheva men alpınıst Maqsut Jumaev Everestke shyǵyp, taýǵa Qazaqstan Respýblıkasynyń memlekettik týyn qadap, qol bulǵady, — dep habarlaǵan edi Kazakh Everest Team baspasóz qyzmeti.

Jalpy, Kazakh Everest Team komandasy shyńǵa kóterilý úshin bes táýlikke júrdi.

7 mamyrda bazalyq lagerden (5 350 m) shyǵýdan bastalyp, sodan keıin alpınıster I Lager (6 100 m) arqyly ótip, odan keıin II Lagerge (6 400 m), III Lagerge (7 100 m.) kóterildi. IV Lagerge (8 000 m) jetken soń odan ári Everestke (8 848 m) shyqty.