ShYU-ǵa múshe elderdiń ókilderi Olımpıadalyq daıarlaý ortalyǵymen tanysty (VIDEO)

Shanhaı yntymaqtastyq uıymyna múshe memleketterdiń dene shynyqtyrý jáne sport salasyna jaýapty basshylary Almaty oblysyndaǵy Olımpıadalyq daıarlaý ortalyǵynyń jumysymen tanysty, dep habarlady Týrızm jáne sport mınıstrligi.

Kezdesýde týrızm jáne sport mınıstri Ermek Marjyqpaev ShYU Bas hatshysy Chjan Mın, Reseı Federaııasy, Iran Islam Respýblıkasy, Belarýs, О́zbekstan, Tájikstan men Úndistannyńtýrızm jáne sport mınıstrleri men ókilderine ortalyqtyń jumysy men qyzmeti týraly aıtyp berdi.

Olımpıadalyq daıarlaý ortalyǵy TMD-daǵy eń iri sport keshenderiniń biri sanalady. Onyń ınfraqurylymy halyqaralyq standarttarǵa saı salynǵan. Sport nysanynda bir ýaqytta 2300 sportshy shynyǵa alady. Munda sporttyń 23 túri boıynsha olımpıadalyq rezerv pen ulttyq qurama komandalary daıarlanady.

Sondaı-aq is-sharada týrızm jáne sport mınıstri, ShYU-ǵa múshe memleketterdiń dene shynyqtyrý jáne sport salasyna jaýapty basshylary Olımpıadalyq daıarlaý ortalyǵynyń aýmaǵynda «Taza Qazaqstan» akııasy aıasynda aǵash otyrǵyzý rásimine qatysty.

Vankýver Olımpıadasynyń kúmis júldegeri Elena Hrýstaleva, álem chempıonatynyń qola júldegeri jáne Azııa chempıony Mılad Karımı, 2016 jylǵy Olımpıada chempıony Dmıtrıı Balandın, 2000 jylǵy Olımpııalyq oıyndardnyń chempıondary Ermahan Ibraımov pen Olga Shıshıgına, sondaı-aq kúmis júldegeri Islam Baıramýkov, 2021 jylǵy Olımpıadanyń  qola júldegerleri Sofıa Berýleva men Eldos Smetov qonaqtarǵa sport alańdaryn tanystyryp, erekshelikterin jetkizdi.