Bokstan Qazaqstan quramasynyń qarsylastary anyqtaldy

Búgin Taılandtyń Bangkok qalasynda bokstan Olımpıadaǵa irikteý týrnıri bastalady.

Irikteý jarysy 5 maýsymda aıaqtalady. Bul – Olımpıada aldyndaǵy eń sońǵy elektik báseke.

Týrnırde Qazaqstannyń erler quramasynan – 1, áıelder komandasynan 5 boksshy kúsh synasady. Eger olar osy týrnırde jeńimpaz atanyp, Olımpıadaǵa joldamany alsa,  Parıjdegi Oıyndarǵa erler men áıelder quramasy tolyq quramda qatysa alady. Al ázirshe erlerden Olımpıadaǵa lıenzııany Sáken Bıbosynov (51 kg), Mahmud Sabyrhan (57 kg), Aslanbek Shymbergenov (71 kg), Nurbek Oralbaı (80 kg), Aıbek Oralbaı (92 kg) pen Qamshybek Qońqabaev (+92 kg) ıelenip otyr. Áıelderden jalǵyz Karına Ibragımovada (57 kg) ǵana joldama bar.

Olar byltyr Qytaıdyń Hanchjoý qalsynda jalaýy jelbiregen Azııa oıyndary men Italııanyń Býsto-Arsııo qalasynda ótken irikteý týrnırinde Olımpıadanyń kvotasyn sheship alǵan bolatyn. Endi búgin Bankoktyń tórinde keriletin sharshy alańǵa joldama ala almaǵan boksshylarymyz shyǵady.

Erlerden 26 mamyrda 63,5 keli salmaqtaǵy Muhammedsabyr Bazarbaıuly fılıppındik Krıstıan Pıtt Laýrentemen qolǵap túıistiredi.

Áıelderden 25 mamyrda Nazym Qyzaıbaı (50 kg) Nıkol Dýrıkovamen (Slovakııa), 28 mamyrda Uljan Sársenbek (54 kg) Shera Meı Patrısıomen (AQSh) judyryqtasady.

Sonymen birge 27 mamyrda 60 keli salmaqta Rımma Volosenko men Marııa Felısıtas Ganglbaýer (Germanııa) kúsh synassa, 29 mamyrda Natalıa Bogdanova (66 kg) Krıstına Kýlýhovamen (Serbııa), 27 mamyrda Valentına Halzova (75 kg) ýkraınalyq Karolına Mahnomen jekpe-jekke shyǵady.

Dastan KENJALIN,

ASTANA