Qazaqtyń Amangeldisi men 24.kz-tiń Aslany

Amangeldi Seıithanov — qazaq sport jýrnalıstıkasynda aıqyn qoltańbasyn qaldyrǵan azamat. 52 jas qana ómir keshti.

Qazaqqa áli bereri kóp edi. Keıbir jýrnalıster sekildi bılikti maqtap kresloda shalqaıyp, tórde otyrmady. Mınıstrdiń keńesshisi de bolmady. Biraq halyq ony syılady. Sport jýrnalıstıkasyna aıanbaı eńbek etti. Bıligi barlar onyń baǵyn qyzǵanyp, tasada ustaýǵa tyrysty. Maqsatyna jete almaǵan Aman aǵamyz armanda ketti.

Amangeldi Seıithanovty 2000 jylǵy Sıdneı Olımpıadasynan keıin telearnadan kórmeı kettik. Múmkin, taǵy da Olımpıadalarǵa barǵanda biraz dúnıe jazar edi. Odan keıin bes Olımpıada boldy. Afına-2004, Pekın-2008, London-2012, Rıo-2016, Tokıo-2020 jyldary ótken Olımpıadalarǵa bara almady. Joǵarydaǵy bılik ókilderi A.Seıithanovty jarystarǵa habar taratýǵa jiberý kerek edi. Biraq jolyn kesti.

Men ózim sol Aman aǵamyzdyń izbasaryndaı kóretin Aslan Kajenov áriptesimdi Franııada ótetin Parıj Olımpıadasyna jiberý úshin Týrızm jáne sport mınıstrligine usynys aıtqym keledi.

Ulttyq Olımpıada komıtetiniń prezıdenti Gennadıı Golovkın Italııada bolǵan lıenzııalyq jarystarda baýyry Maksım Golovkındi qasyna ertip júrdi. Sonda Maksımge aqshany kim tóleıdi?

Sport jýrnalısi, saýatty sarapshy Aslan Kajenov Olımpıada ortasynda júrip aqparat taratsa, halyqqa da ótimdi bolar edi. О́zi de kásibı turǵyda jetile túser edi. El azamattary osy ýájimizdi eskerse deımiz.

Aıbek MUHANOV,

AQTAÝ