وليمپياداعا جەتى-سەگىز جولداما الاتىن مۇمكىندىك بار – دميتري كارپوۆ

قازىر جەڭىل اتلەتيكادان قازاقستان كومانداسى وليمپيالىق ويىندارعا ەكى جولداما بار. بۇل ليتسەنزيانى مارافوننان جاننا ماماجانوۆا مەن 3 000 مەترگە كەدەرگىلەر ارقىلى جۇگىرۋدەن ىرىكتەۋ ءنورماتيۆىن ورىنداعان نورا دجەرۋتو الدى. باس جاتتىقتىرۋشى دميتري كارپوۆتىڭ ايتۋىنشا، قۇرامانىڭ ءالى وليمپياداعا جەتى-سەگىز جولداما الاتىن مۇمكىندىگى بار، دەپ حابارلادى Olympic.kz. 

30 ساۋىردە مارافوننان ىرىكتەۋ كەزەڭى اياقتالىپ، جاننا ماماجانوۆا قازاقستان رەكوردىن جاڭارتتى. وسىدان كەيىن ول وليمپيادا جولداماسىنا يە بولدى. باسقا سپورتشىلار ءۇشىن جولداماعا تالاس 30 ماۋسىمدا اياقتالادى. قازىر جەڭىل اتلەتتەر بابىنا كەلىپ، رەيتينگىلىك ۇپايلارعا تالاسۋعا دايىندالىپ جاتىر.

باس جاتتىقتىرۋشى سپورتشىلاردىڭ وليمپاداعا ءالى كەم دەگەندە سەگىز ليتسەنزيانى جەڭىپ الاتىن الەۋەتى بار ەكەنىن ەسكەرتتى.

جەڭىل اتلەتيكادان جازعى جارىس ماۋسىمى ەندى عانا باستالدى. ۇلتتىق قۇرامانىڭ سپورتشىلارى بىرنەشە تۋرنيرگە قاتىسىپ ۇلگەردى. قازىر ءبارى دە جوسپار بويىنشا جاسالىپ جاتىر.

وليمپياداعا ىرىكتەۋگە كەلەر بولساق، ءبىز وليمپياداعا قاتىسا الاتىن جەتى-سەگىز سپورتشىنىڭ اياق الىسىن باقىلاپ وتىرمىز.

ءتۋرنيردىڭ كوبىسى ماۋسىم ايىندا بولادى. وسى ۋاقىتتا كوماندانىڭ جارىس كەستەسى دە وتە تىعىز  بولادى.

2 ماۋسىمدا ولگا سافرونوۆا «گاۋھار ليگاسىنا» قاتىسادى. ديسك جانە يادرو لاقتىراتىن سپورتشىلارىمىز موكپوداعى ازيا چەمپيوناتىندا كۇش سىناپ كورەدى.

بۇل جارىس 12-14 ماۋسىمدا بولادى. 22 ماۋسىمدا دۋبليندە وتەتىن سپورتتىق جۇرىستەن حالىقارالىق تۋرنيرگە ارالاس كوماندالىق ەستافەتا وكىلدەرىن اپارۋدى جوسپارلاپ وتىرمىز. كەدەرگىلەر ارقىلى جۇگىرەتىن داۆيد ەفرەموۆ ەۋروپاداعى جارىستارعا، نادەجدا دۋبوۆيتسكايا ۇلتتىق چەمپيوناتتارعا قاتىسادى، — دەدى ول.

ونىڭ ايتۋىنشا، وليمپياداعا ىرىكتەۋ جۇيەسى ەكى كەزەڭنەن تۇرادى. ءبىرىنشىسى – ارنايى ءنورماتيۆتى ورىنداۋ ارقىلى، ەكىنشىسى – الەمدىك رەيتينگ ارقىلى جولداما الۋ.

وسى رەتتە ول مەجەلى ءنورماتيۆتى  ورىنداۋدىڭ جىل سايىن قيىنداپ جاتقانىن جاسىرمادى.

وليمپياداعا ىرىكتەۋ بۇرىنعىداي تەك قانا ناتيجەگە عانا قارامايدى. وسىمەن ەكىنشى جازعى ويىندارعا ناتيجە مەن نورماتيۆتەن باسقا، رەيتينگ ارقىلى دا سپورتشىلار تاڭدالادى.

جارىستىڭ دەڭگەيىنە قاراي ۇپاي دا سونشالىقتى بەرىلەدى. سوندىقتان سپورتشىلار حالىقارالىق تۋرنيلەرگە ءجيى شىعادى. تۋرنير تاڭداعان كەزدە كومانداداعى ءاربىر اتلەتتىڭ جەكە الەۋەتىنە نازار اۋدارامىز. شەشىم قابىلداۋعا جەكە مەنەدجەرلەر، جەكە جاتتىقتىرۋشىلار مەن باس جاتتىقتىرۋشى كىرىسەدى، — دەدى كارپوۆ.

قازىر باس جاتتىقتىرۋشى ەلىمىزدە نادەجدا دۋبوۆيتسكايا مەن يۆان يۆانوۆتى جەڭىل اتلەتيكانىڭ كوشباسشىلارى رەتىندە سانايتىنىن ايتتى. سونىمەن بىرگە ول پاريج وليمپياداسىندا 2022 جىلعى الەم چەمپيونى نورا دجەرۋتونىڭ دا لايىقتى ناتيجە كورسەتەنىنىنە سەنىمدى.

وسى كۇندەرى جەڭىل اتلەتيكادان قازاقستان كومانداسى الماتى وبلىسىنداعى جاڭا بازادا جاتتىعىپ جاتىر. وسى بازادا وليمپيادا قارساڭىنداعى ماڭىزدى جيىن بولادى.