SportPress.kz Qazaqstan sport jańalyqtary
Qazaqstan jastarynyń fýtbol komandalary Horvatııanyń Zadar qalasynda ótip jatqan Dalmatinko Cup halyqaralyq týrnırine qatysyp jatyr.
Jarysta álemniń 22 elinen 220 komanda baq synaıdy. Bıylǵy dodaǵa elimizdiń «Ońtústik» pen «Ordabasy» komandalary oınaıdy.
Qazaqstannyń Horvatııadaǵy elshiliginiń qoldaýymen 2019 jyldan bastap eldiń jastar fýtbol komandalary osy týrnırge qatysyp, dopty ıgerý sheberligin arttyryp, jattyqtyrýshylar halyqaralyq mamandarmen óz bilimderi men tájirıbelerimen almasady.
Týrnırdi uıymdastyrýshylardyń biri — Horvatııa quramasynda oınaǵan Qazaqstan elshiliginiń shtattan tys keńesshisi Ivıa Pırıch. Ol álemdik fýtboldyń ańyzyna aınalǵan oıynshysy Lýka Modrıchke beıne qońyraý shalyp, «Alǵa Shymkent» degen sózdermen balalarǵa sáttilik tiledi.
Týrnırdiń ashylýyna Qazaqstan elshisi Aqylbek Kamaldınov qatysyp, balalarǵa jeńis tilep, uıymdastyrýshylarǵa balalar men jasóspirimder fýtbolyn damytý jáne jas fýtbolshylardyń Horvatııaǵa saparyn uıymdastyrýǵa kóńil bólgeni úshin shyn júrekten rızashylyǵyn bildirdi. Osyndaı týrnırlerge qatysý jas fýtbolshylarǵa tájirıbe jınaýǵa, otandyq fýtboldyń deńgeıi men sapasyn arttyrýǵa múmkindik beretini sózsiz.
Týrnırge qatysýmen qatar, Qazaqstannan kelgen jas fýtbolshylarǵa Horvatııadaǵy Dalmaııa jaǵalaýynda qyzyqty ekskýrsııalyq baǵdarlama uıymdastyryldy.
Anyqtama: «Dalmatinko Cup» týrnıri — 2016 jaldan beri jyl saıynǵy balalar týrnıri.
2019 jyldan bastap osyndaı kólemdegi halyqaralyq jarysqa alǵash ret «Kaspıı» jasóspirimder komandasy jiberildi. Qazir Dalmatinko Cup týrnırine qatysyp jatqan komandalardyń sany kóbeıip keledi.
Byltyr elimizden týrnırge «Turan-2013», «Aqtóbe-2013», «Astana-2012», «Aqjaıyq-2012» pen «Oqjetpes-2012» sııaqty bes komanda qatysyp, otandastarymyz alǵash ret kúmis medal jeńip aldy.
2022 jyly Qazaqstan fýtbol federaııasynyń prezıdenti Ádilet Barmenqulov Dalmatinko Cup týrnırin tamashalaǵan bolatyn.
Ilııas OMAROV,
ASTANA
View this post on Instagram
