Stanıslav Cherchesov ulttyq quramanyń bas jattyqtyrýshysy bolyp taǵaıyndaldy

Fýtboldan Qazaqstan ulttyq quramasynyń bas jattyqtyrýshysy qyzmetine reseılik maman Stanıslav Cherchesov taǵaıyndaldy, dep habarlady Qazaqstan fýtbol federaııasy.

Cherchesov fýtbolshy kezinde «Spartak» (Ordjonıkıdze), «Spartak» (Máskeý), «Lokomotıv» (Máskeý), «Dınamo» (Drezden, GFR),  «Tırol» (Insbýrk, Aýstrııa)  klýbtarynda oınaǵan.

Jattyqtyrýshy retinde Reseıdiń «Spartak» (Máskeý), «Jemchýjına» (Sochı), «Terek» (Groznyı), «Amkar» (Perm), «Dınamo» (Máskeý), «Legııa» (Varshava, Polsha), «Ferenvarosh» (Býdapesht, Majarstan) komandalarda jumys istegen.

Ol 2007 jyly Máskeýdiń «Spartak» klýbyn jattyqtyrǵan kezde Reseı chempıonatynyń kúmis júldegeri, «Legııa» komandasynda jumys istegende Polshanyń chempıony (2015/16) men osy eldiń kýbogynyń ıegeri (2015/16) boldy.

2018 jylǵy álem chempıonatynda Reseı qurama komandasymen shırek fınalǵa jetti.

Stanıslav Cherchesov «Ferenvarosh» klýbynyń bas jattyqtyrýshysy bolyp eki jyl qatarynan Majarstannyń chempıony (2021/22, 2022/23) atandy. Majarstan kýbogyn (2021/22) jeńip aldy.