ەۋروپالىق وداقتىڭ بيزنەس وكىلدەرىمەن كەزدەسۋ

الماتىدا ەۋرووداق اگروازىق-ت ۇلىك كاسىپورىندارىنىڭ دەلەگاتسيالارى  باس قوستى. قازاقستان ورتالىق ازياداعى ەو-نىڭ نەگىزگى سەرىكتەسى. تىعىز ىنتىماقتاستىق ميسسيا ەو-نىڭ قازاقستانداعى اگروازىق-ت ۇلىك پوزيتسيالارىن نىعايتۋعا باعىتتالعان.

بۇل ءوز كەزەگىندە قازاقستانداعى اگروسالانىڭ دامۋىنا عانا ەمەس، ورتالىق ازياداعى باسقا ەلدەرگە دە وڭ اسەر ەتىپ، ەو-نىڭ اگروازىق-ت ۇلىك تاۋارىن ەكسپورتتاۋشىلارعا ايماقتى كەڭەيتۋگە كومەكتەسەدى. وسىعان بايلانىستى ەو اگروازىق-ت ۇلىك كاسىپورىندارىنىڭ ەۋروپالىق دەلەگاتسياسىمەن قازاقستاندىق كاسىپكەرلەر كەزدەسىپ، اڭگىمە دۇكەن قۇردى. بيزنەس – دەلەگاتسيا قۇرامىنا ەۋروپالىق ازىق-ت ۇلىك سەكتورىنىڭ وندىرۋشىلەرى مەن ۇيىمدارىنىڭ 40-تان استام وكىلى كىرەدى.

ولار تاماق پەن سۋسىنداردىڭ كەڭ اۋقىمىن ۇسىنادى. مىسالى، جان-جانۋارلاردان الىناتىن ءونىم; شاراپتار مەن ءسپيرتتى ىشىمدىكتەر; جەمىستەر، كوكونىستەر، تۇقىمدار; گەوگرافيالىق كورسەتكىشتەرى قورعالاتىن ورگانيكالىق ونىمدەر مەن ارنايى ونىمدەر. وسى ورايدا ءبىز ەۋروپادان كەلگەن ازىق-ت ۇلىك تۇرلەرىنىڭ كورمەسىن ارالاپ كوردىك. يرلانديا مەن يتاليا ۆيسكيلارى، گرەتسيا، پورتۋگاليا شاراپتارى، فرانتسۋز كونياكتارى، ۆەنگريا كرەكەرلەرى، فينليانديا كامپيتتەرى، نيدەرلاند تاڭقۋرايى، چەحيانىڭ كوكونىس قوسىلعان قالبىرداعى پاشتەتتەرى پولشانىڭ ۇنتاق تۇرىندەگى سارىسۋلارى جانە ت.ب. قاراپ تۇرساق، ازىق-ت ۇلىكتىڭ كوپتەگەن ونىمدەرى ءبىزدىڭ ەلىمىزدە دە شىعارىلادى. تەك وزگەشىلىگى، شىنى ىدىستاردىڭ ارقيلىلىعى، سالىنعان سۋرەتتەردىڭ ەرەكشە سيپاتتارىندا، ەڭ باستىسى دامىندە بولسا كەرەك. شارا اياسىندا قازاقستاندىق كاسىپكەرلەرمەن دە سويلەسىپ قالدىق. «العان اسەرىڭىز قالاي؟» دەپ ساۋال قويدىق.

«ارينە، ەت ونىمدەرى وزىمىزدە دە بار. ءبىزدى قىزىقتىراتىن ەۋروپا ەلدەرىنىڭ تەحنولوگياسى. مادەني الماسۋ دا ماڭىزدى. ازىق-ت ۇلىك پەن تاعامنىڭ ءتۇر-تۇرىمەن تانىستىق. داستارحانداعى ونىمدەردىڭ ساپاسىنا دا باسا نازار اۋداراتىن ۋاقىت جەتتى. ارينە، ساپاسى، قاۋىپسىزدىگى، ءتول تۋمالىعى ماڭىزدى»، – دەيدى الماتى وبلىسىنىڭ قاسكەلەڭ قالاسىنان كەلگەن كاسىپكەر قامار Management.

مەنى يمپورت – ەكسپورت كومپانيالارىنىڭ مال سويۋ ادىستەرى، ەتتى سۋىتۋ، قاتىرۋ، كەسۋ، ءساندى ەتىپ وراۋ تاسىلدەرى قىزىقتىرادى. وسىنى ايتقان الماتى قالاسىنىڭ كاسىپكەرىت ولجاس وسپانجانوۆ شامامەن 300-500 گرامم تۇرىندە بولشەكتەلىپ قاتىرىلعان ەت تاعامدارىنا نازارىمىزدى اۋداردى. وسىدان كەيىن قازاقستاننان سەرىكتەس ىزدەپ كەلگەن شەتەلدىك كاسىپكەرلەردىڭ دە اڭگىمەسىن تىڭدادىق. «ەڭ ۇزدىك ءارى اسا تانىمال ونىمدەردى قازاقستاندا ناسيحاتتاۋ، تاراتۋ ءۇشىن سەرىكتەستەر ىزدەۋدەمىز، – دەدى يتاليادان شاراپ ونىمدەرىنىڭ ءتۇر-ءتۇرىن قازاقستاندىق كاسىپكەرلەرگە كورسەتۋ ءۇشىن الىپ كەلگەن بيزنەسمەن كارلو پەچچەلي.

وسىدان كەيىن شاراپ دايىنداۋ ءۇشىن جەمىس-جيدەكتەردى تەرۋ، سۇرىپتاۋ، كەپتىرۋ بارىسىنداعى ۇردىستەردى جىپكە تىزگەندەي ەتىپ ايتىپ شىقتى.

سالتانات قاجىكەن،

الماتى