Eýropalyq Odaqtyń bıznes ókilderimen kezdesý

Almatyda Eýroodaq agroazyq-túlik kásiporyndarynyń delegaııalary  bas qosty. Qazaqstan Ortalyq Azııadaǵy EO-nyń negizgi seriktesi. Tyǵyz yntymaqtastyq mıssııa EO-nyń Qazaqstandaǵy agroazyq-túlik pozıııalaryn nyǵaıtýǵa baǵyttalǵan.

Bul óz kezeginde Qazaqstandaǵy agrosalanyń damýyna ǵana emes, Ortalyq Azııadaǵy basqa elderge de oń áser etip, EO-nyń agroazyq-túlik taýaryn eksporttaýshylarǵa aımaqty keńeıtýge kómektesedi. Osyǵan baılanysty EO agroazyq-túlik kásiporyndarynyń Eýropalyq delegaııasymen qazaqstandyq kásipkerler kezdesip, áńgime dúken qurdy. Bıznes – delegaııa quramyna eýropalyq azyq-túlik sektorynyń óndirýshileri men uıymdarynyń 40-tan astam ókili kiredi.

Olar tamaq pen sýsyndardyń keń aýqymyn usynady. Mysaly, jan-janýarlardan alynatyn ónim; sharaptar men spırtti ishimdikter; jemister, kókónister, tuqymdar; geografııalyq kórsetkishteri qorǵalatyn organıkalyq ónimder men arnaıy ónimder. Osy oraıda biz Eýropadan kelgen azyq-túlik túrleriniń kórmesin aralap kórdik. Irlandııa men Italııa vıskılary, Greııa, Portýgalııa sharaptary, franýz konıaktary, Vengrııa krekerleri, Fınlıandııa kámpıtteri, Nıderland tańqýraıy, Chehııanyń kókónis qosylǵan qalbyrdaǵy pashtetteri Polshanyń untaq túrindegi sarysýlary jáne t.b. Qarap tursaq, azyq-túliktiń kóptegen ónimderi bizdiń elimizde de shyǵarylady. Tek ózgeshiligi, shyny ydystardyń árqılylyǵy, salynǵan sýretterdiń erekshe sıpattarynda, eń bastysy dáminde bolsa kerek. Shara aıasynda qazaqstandyq kásipkerlermen de sóılesip qaldyq. «Alǵan áserińiz qalaı?» dep saýal qoıdyq.

«Árıne, et ónimderi ózimizde de bar. Bizdi qyzyqtyratyn Eýropa elderiniń tehnologııasy. Mádenı almasý da mańyzdy. Azyq-túlik pen taǵamnyń túr-túrimen tanystyq. Dastarhandaǵy ónimderdiń sapasyna da basa nazar aýdaratyn ýaqyt jetti. Árıne, sapasy, qaýipsizdigi, tól týmalyǵy mańyzdy», – deıdi Almaty oblysynyń Qaskeleń qalasynan kelgen kásipker Qamar Management.

Meni ımport – eksport kompanııalarynyń mal soıý ádisteri, etti sýytý, qatyrý, kesý, sándi etip oraý tásilderi qyzyqtyrady. Osyny aıtqan Almaty qalasynyń kásipkerit Oljas Ospanjanov shamamen 300-500 gramm túrinde bólshektelip qatyrylǵan et taǵamdaryna nazarymyzdy aýdardy. Osydan keıin Qazaqstannan seriktes izdep kelgen sheteldik kásipkerlerdiń de áńgimesin tyńdadyq. «Eń úzdik ári asa tanymal ónimderdi Qazaqstanda nasıhattaý, taratý úshin seriktester izdeýdemiz, – dedi Italııadan sharap ónimderiniń túr-túrin qazaqstandyq kásipkerlerge kórsetý úshin alyp kelgen bıznesmen Karlo Pechchelı.

Osydan keıin sharap daıyndaý úshin jemis-jıdekterdi terý, suryptaý, keptirý barysyndaǵy úrdisterdi jipke tizgendeı etip aıtyp shyqty.

Saltanat QAJYKEN,

ALMATY