«Bárin de ýaqyt kórsetedi»: Stanıslav Cherchesov ulttyq quramaǵa baǵa berdi

Fýtboldan Qazaqstan quramasynyń bas jattyqtyrýshysy Stanıslav Cherchesov jańa qyzmetke taǵaıyndalǵan soń alǵash ret BAQ ókilderine suhbat berdi. Ol bas jattyqtyrýshy qyzmetine taǵaıyndaýyna qatysty pikir bildirip, aldaǵy josparlaryn aıtty.

Men federaııa basshylyǵymen sóılesip, alǵashqy eki oıynǵa qatyspaımyn dep sheshtik. Barlyǵyn josparlaý kerek. Sebebi, Armenııaǵa ushýǵa múmkindigim joq. О́ıtkeni, men bul kúnderi ulttyq quramaǵa bas jattyqtyrýshy bolýdy josparlamaǵan edim. Men Vengrııaǵa ushýdy josparlap otyrmyn. Ol jaqta komandanyń Ázerbaıjanmen bolatyn oıynyn qaraımyn. Jattyǵý jumystaryna qatyspaımyn. Osy eki oıyndy Rýslan Baltıev qorytyndylaıdy,  — dedi Cherchesov.

Sodan keıin ol BAQ ókilderiniń suraqtaryna jaýap berdi. Suraq-jaýap pishininde bolǵan shaǵyn suhbatta Cherchesovke mynadaı saýaldar qoıyldy.

– Stanıslav Salamuly, Qazaqstan quramasynyń bas jattyqtyrýshy qyzmetine taǵaıyndaýdan alǵan alǵashqy áserińiz ben emoııańyz qandaı?

– Alǵan áserler bar. Alaıda emoııam baısaldy. Bir apta buryn men bul týraly bilmedim. Mine, taǵdyrdyń jazýymen búgin osyndamyn.

– Qazaqstan quramasynyń bas jattyqtyrýshysy bolý usynysyn qabyldaýyńyzǵa qandaı negizgi faktorlar áser etti?

– Shamamen eki aı buryn men shetelde jumys istegim kelmeıtinimdi aıttym. Sodan keıin usynystar boldy. Qazaqstan quramasy meniń konepııama sáıkes keledi dep oılaımyn. Munda meni QFF prezıdenti Ádilet Barmenqulov kútip aldy. Biz sóılesip, qalaı jumys isteý kerek ekenin túsindik. Jobany birigip jasaý kerek dep sheshim qabyldadyq.

– Qazaqstan fýtbol federaııasy qysqa jáne uzaq merzimdi perspektıvada sizdiń aldyńyzǵa qandaı maqsattar men mindetter qoıyp otyr?

— О́tken maýsymda Qazaqstan ulttyq qurama komandasy sátti oınady. Endi biz ÝEFA Ulttar lıgasyn qaıtyp aq paraqtan bastaımyz. Ulttyq qurama Astanadan Almatyǵa kóshedi. Sebebi, «Astana Arena» stadıonynda jóndeý jumystary bolyp jatyr eken. Jigittermen sóılestim. Olarǵa «Eń basty mindet –tájirıbeni shyńdaı túsý kerek», dedim.

Quramanyń irgetasy qalandy. Endi ony kirpishpen qalaý kerek. Shartty túrde qazaq fýtbolynyń órkendeýine múmkindik beretin belgili bir júıeni qurý qajet. Meniń mindetime ulttyq qurama emes, jastar men jasóspirimder quramalarynyń damytý da kiredi. Endi olarǵa da nazar aýdarý qajet.

Men komandamen kezdestim. Jattyqtyrýshylar shtabymen sóılestim. Bir jylda kóp nárse ózgeredi. Komandanyń áleýeti ósýi kerek. Komanda zamanaýı fýtbol kórsetýi qajet. Qanshalyqty tabysty bolatynymyzdy ýaqyt kórsetedi.

Stanıslav Cherchesov osy aptada fýtboldan Qazaqstan ulttyq quramasynyń bas jattyqtyrýshysy qyzmetine taǵaıyndalǵan bolatyn.

Onyń fýtbolshy kezinde qaı klýbta oınap,  jattyqtyrýshy retinde qaı klýbta jumys istegeni týraly aıtsaq, ol fýtbolshy kezinde «Spartak» (Ordjonıkıdze), «Spartak» (Máskeý), «Lokomotıv» (Máskeý), «Dınamo» (Drezden, GFR), «Tırol» (Insbýrk, Aýstrııa) klýbtarynda oınaǵan.

Jattyqtyrýshy retinde Reseıdiń «Spartak» (Máskeý), «Jemchýjına» (Sochı), «Terek» (Groznyı), «Amkar» (Perm), «Dınamo» (Máskeý), «Legııa» (Varshava, Polsha), «Ferenvarosh» (Býdapesht, Majarstan) komandalarynda jumys istegen.

Cherchesov ulttyq quramaǵa bas jattyqtyrýshy bolyp taǵaıyndalǵannan keıin áleýmettik jelide onyń jalaqysy týraly da áńgime kóbeıip ketti.

Osyǵan baılanysty Qazaqstan fýtbol federaııasy Stanıslav Cherchesovtyń alatyn jalaqysy týraly taraǵan aqparatqa qatysty resmı málimdeme jasady.

Keıbir aqparat kózderi Cherchesov jylyna 1,2 mln eýroǵa jýyq aqsha alady dep jazǵan. Áleýmettik jelidegi aqparatqa qaraǵanda, onyń aılyǵyn teńgege shaqqanda, 1 168 800 000 teńge bolady. QFF bul aqparatty rastamady.