Qazaqstan sýrdo fýtzaldan álem chempıonatynyń kúmis júldegeri atandy

Búgin sýrdo fýtzaldan álem chempıonatynyń fınalynda Qazaqstan quramasy Iran komandasymen kezdesti.

Oıynnyń negizgi ýaqytynda komandalar 3:3 esebimen teń túsip, qosymsha ýaqytta Qazaqstan quramasy 4:7 esebimen ese jiberdi.

Oıyn tartysty boldy. Qurama komandamyz sońǵy sekýndtqa deıin oınady. Alaıda qarsylastarymyz osal bolmady. Iran komandasy osymen ekinshi ret sýrdo fýtzaldan álem chempıony atanyp otyr.  Estý qabileti zaqymdanǵan sportshylar arasynda fýtzaldan alǵashqy álem chempıonaty Malaızııada 2022 jyly ótip, fınalǵa Qazaqstan men Iran shyqqan bolatyn. Eki jyl buryn da elimizdiń sportshylary ekinshi orynǵa turaqtaǵan edi. Degenmen ulttyq quramanyń dárejesi ósip, sýrdo fýtzalǵa elimizde qyzyǵýshylyq artyp kele jatqanyn aıtýǵa bolady.

Qazirde osy sportpen elimizde 3000-nan astam sportshy qatysady. Astanada ótken álem chempıonaty sýrdo fýtzaldyń odan ári damýyna áser etetindigine senemin. Jarysty ótkizýge qoldaý kórsetken Týrızm jáne sport mınıstrligine, Dene múmkindikteri shekteýli adamdarǵa arnalǵan sporttyq daıarlaý ortalyǵyna, SportQory men «Samuryq-Qazyna» AQ alǵys bildiremiz, — dedi Qazaqstan ulttyq sýrdo fýtbol jáne fýtzal federaııasynyń prezıdenti Meırambek Mahambetov.

Chempıonat nátıjesi boıynsha birinshi oryndy Iran, ekinshi oryndy Qazaqstan, al úshinshi oryndy Brazılııa quramasy ıelendi.

Aıta ketsek, 21 jasqa deıingi estý qabileti zaqymdanǵan sportshylar arasynda sýrdo fýtzaldan álem chempıonaty alǵash ret Astanada 1-10 maýsym aralyǵynda ótti.

Jarysqa Ýkraına, Brazılııa, Qazaqstan, Iran, Oman, Saýd Aravııasy, О́zbekstan, Tájikistan, Azerbaıdjan jáne Taıland memleketteri qatysty.

Quralaı ÁShIMHANOVA,

ASTANA