شىمكەنتتەگى «مۇز سارايى» مەملەكەتكە قايتىرىلادى– انتيكور

سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسىن بويىنشا دەپاترامەنتىنىڭ باسشىسى داۋرەن ەرعارين سوت ۇكىمىمەن مۇز سارايىن ساتىپ الۋ جانە ساتۋ شارتىنىڭ كۇشى جويىلعانىن حابارلادى.

Otyrar.kz-ءتىڭ حابارالۋىنشا، دەپارتامەنت قالا پروكۋراتۋراسىمەن بىرىگىپ، مۇز سارايىن مەملەكەت مەنشىگىنە قايتارۋ بويىنشا شارالار قابىلدادى.

بيىلعى جىلدىڭ 27 مامىرىندا ءبىرىنشى ساتىداعى سوت «سپورت سارايى» جشس ۇلەسىن جەكە مەنشىككە 128 ملن تەڭگەگە ساتىپ الۋ-ساتۋ شارتىنىڭ كۇشىن جويدى.

سوت شەشىمى زاڭدى كۇشىنە ەنگەن جوق، – دەدى اگەنتتىكتىڭ شىمكەنت قالاسى بويىنشا دەپارتامەنتىنىڭ باسشىسى داۋرەن ەرعارين.

بۇعان دەيىن حابارلانعانداي، شىمكەنت اكىمدىگى قالاداعى ەڭ ءىرى سپورت كەشەنىن 128 ملن تەڭگەگە ساتىپ، مۇز سارايىنىڭ 67 پايىزى ەل ۇكىمەتىنىڭ قاۋلىسىنا سايكەس اكىمدىكتىڭ ۇلەسىندە بولىپ كەلگەن ەدى. ەلەكتروندى اۋكتسيون ارقىلى ساۋداعا شىعارىلعان نىساننىڭ باستاپقى باعاسى 996 ملن 900 مىڭ تەڭگە بولاتىن.

مۇز سارايى — شىمكەنتتەگى قىسقى سپورت تۇرلەرىمەن شۇعىلدانۋعا مۇمكىندىك بەرەتىن جالعىز ورىن. بىراق مەملەكەتكە ۇلكەن سپورت كەشەنىن قامتاماسىز ەتۋ وڭايعا سوقپادى.  سوڭعى ءۇش جىلدا  نىسان 40 ملن تەڭگە شاماسىندا زيان شەككەن. مەكەمە باسشىسى مۇنى كوممۋنالدىق قىزمەت تاريفتەرىنىڭ وسۋىمەن بايلانىستىرعان بولاتىن. ەندى مۇز سارايى مەملەكەت مەنشىگىنە بەرىلدى.