Shymkenttegi «Muz saraıy» memleketke qaıtyrylady– Antıkor

Sybaılas jemqorlyqqa qarsy is-qımyl agenttiginiń Shymkent qalasyn boıynsha depatramentiniń basshysy Dáýren Erǵarın sot úkimimen Muz saraıyn satyp alý jáne satý shartynyń kúshi joıylǵanyn habarlady.

Otyrar.kz-tiń habaralýynsha, departament qala prokýratýrasymen birigip, Muz saraıyn memleket menshigine qaıtarý boıynsha sharalar qabyldady.

Bıylǵy jyldyń 27 mamyrynda birinshi satydaǵy sot «Sport saraıy» JShS úlesin jeke menshikke 128 mln teńgege satyp alý-satý shartynyń kúshin joıdy.

Sot sheshimi zańdy kúshine engen joq, – dedi agenttiktiń Shymkent qalasy boıynsha departamentiniń basshysy Dáýren Erǵarın.

Buǵan deıin habarlanǵandaı, Shymkent ákimdigi qaladaǵy eń iri sport keshenin 128 mln teńgege satyp, Muz saraıynyń 67 paıyzy el Úkimetiniń qaýlysyna sáıkes ákimdiktiń úlesinde bolyp kelgen edi. Elektrondy aýkıon arqyly saýdaǵa shyǵarylǵan nysannyń bastapqy baǵasy 996 mln 900 myń teńge bolatyn.

Muz saraıy — Shymkenttegi qysqy sport túrlerimen shuǵyldanýǵa múmkindik beretin jalǵyz oryn. Biraq memleketke úlken sport keshenin qamtamasyz etý ońaıǵa soqpady.  Sońǵy úsh jylda  nysan 40 mln teńge shamasynda zııan shekken. Mekeme basshysy muny kommýnaldyq qyzmet tarıfteriniń ósýimen baılanystyrǵan bolatyn. Endi Muz saraıy memleket menshigine berildi.