ۋەفا رونالدۋمەن الاڭدا فوتوعا تۇسكەن بالاعا قاتىستى شەشىم شىعاردى (ۆيدەو)

ۋەفا ەۋروپا چەمپيوناتىندا كريشتيانۋ رونالدۋمەن فوتوعا ءتۇسۋ ءۇشىن الاڭعا جۇگىرىپ شىققان بالاعا قاتىستى شەشىم شىعاردى.

تۇركيا مەن پورتۋگاليا قۇرامالارى اراسىنداعى ماتچتا الاڭعا رونالدۋدىڭ جانكۇيەرى جۇگىرىپ شىعىپ، فۋتبولشىمەن فوتوعا تۇسكەن.

ۋەفا 10 جاستاعى بالانىڭ  ارەكەتى قاۋىپسىزدىك ەرەجەسىن بۇزعانىنا قاراماستان، وعان تەك ەسكەرتۋ بەرۋمەن شەكتەلدى. ال پورتۋگاليا مەن تۇركيا ويىنى 3:0 ەسەبىمەن اياقتالدى. قازىر F توبىندا كريشتيانۋ رونالدۋ باستاعان پورتۋگاليا قۇراماسى ەكى ماتچتان كەيىن 6 ۇپاي جيناپ، 1/8 فينالعا ءبىرىنشى ورىنمەن شىعىپ وتىر. ەكىنشى ورىندا ءۇش ۇپايمەن تۇركيا قۇراماسى كەلەدى. ودان كەيىن ءبىر-ءبىر ۇپاي العان چەحيا مەن گرۋششيا كوماندالارى ءۇشىنشى جانە ءتورتىنشى ورىندى ءبولىسىپ وتىر.

ا توبىندا گەرمانيا مەن شۆەيتساريا ءبىرىنشى جانە ەكىنشى ورىندى الىپ، پلەي-وفف كەزەڭىنە شىقتى. ۆ توبىندا يسپانيا ءبىرىنشى ورىنمەن 1/8 فينالعا جولداما الدى. ەندى پيرينەي تۇبەگى ەلىنىڭ كومانداسى ا توبىندا ەكىنشى ساتىدان كورىنگەن شۆەيتساريا قۇراماسىمەن شيرەك فينالعا شىعۋ ءۇشىن باق سىنايدى. ال ا توبىندا كوش باستاعان الاڭ يەلەرى يتاليا، البانيا نەمەسە حورۆاتيامەن ويناۋى مۇمكىن. باسقا توپتاردا ەكى ويىننان كەيىن قاي ەلدىڭ كومانداسى كەلەسى اينالىمعا شىعاتىنى بەلگىسىز بولىپ تۇر. ءۇشىنشى تۋر ءبارىن كورسەتەدى.

داستان كەنجالين،

استانا

 

View this post on Instagram

 

A post shared by Fan Account ❤️ (@cris7iano)