ەربول حاميتوۆ پارا بياتلوننان الەم كۋبوگىندا قولا جۇلدەگەر اتاندى

فينليانديادا پارا بياتلوننان ءوتىپ جاتقان الەم كۋبوگىنىڭ كەزەنىندە پارا سپورتشى ەربول حاميتوۆ (LW12) 7،5 كم سپرينتتىك جارىستا 23:26.00 ۋاقىت ناتيجەسىمەن قولا جۇلدەگەر اتاندى، دەپ حابارلادى تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ «دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى» رمقك.

مارەگە ءبىرىنشى بولىپ قىتاي سپورتىشىسى LIU Zixu 22:38.05 سەكۋند ناتيجەسىمەن كەلسە، ونىڭ وتانداسى LIU Mengtao 22:58.07 ۋاقتىمەن ەكىنشى بولىپ كەلدى.

سونىمەن قاتار، الەم كۋبوگىندا قازاقستاندىق الەكساندر گەرليتس (LW6) 7.5 كم قاشىقتىقتاعى جارىستا ءتورتىنشى ورىننان كورىندى.

ايتا كەتسەك، پارا بياتلوننان الەم كۋبوگىنىڭ كەزەڭى 12-21 جەلتوقساندا فينليانديانىڭ ۆۋوكاتتي تۋريستىك سپورتتىق ايماعىندا وتەدى. جارىسقا 21 مەملەكەتتەن 120-دان استام سپورتشى قاتىسادى. ەل قۇرماسى ساپىندا 7 سپورتشى ونەر كورسەتەدى.