Ербол Хамитов пара биатлоннан Әлем кубогында қола жүлдегер атанды

Финляндияда пара биатлоннан өтіп жатқан Әлем Кубогының кезенінде пара спортшы Ербол Хамитов (LW12) 7,5 км спринттік жарыста 23:26.00 уақыт нәтижесімен қола жүлдегер атанды, деп хабарлады Туризм және спорт министрлігі Спорт және дене шынықтыру істері комитетінің «Дене мүмкіндіктері шектеулі тұлғаларға арналған спорттық даярлау орталығы» РМҚК.

Мәреге бірінші болып Қытай спортышысы LIU Zixu 22:38.05 секунд нәтижесімен келсе, оның отандасы LIU Mengtao 22:58.07 уақтымен екінші болып келді.

Сонымен қатар, Әлем кубогында қазақстандық Александр Герлиц (LW6) 7.5 км қашықтықтағы жарыста төртінші орыннан көрінді.

Айта кетсек, пара биатлоннан Әлем кубогының кезеңі 12-21 желтоқсанда Финляндияның Вуокатти туристік спорттық аймағында өтеді. Жарысқа 21 мемлекеттен 120-дан астам спортшы қатысады. Ел құрмасы сапында 7 спортшы өнер көрсетеді.