Erbol Hamıtov para bıatlonnan Álem kýbogynda qola júldeger atandy

Fınlıandııada para bıatlonnan ótip jatqan Álem Kýbogynyń kezeninde para sportshy Erbol Hamıtov (LW12) 7,5 km sprınttik jarysta 23:26.00 ýaqyt nátıjesimen qola júldeger atandy, dep habarlady Týrızm jáne sport mınıstrligi Sport jáne dene shynyqtyrý isteri komıtetiniń «Dene múmkindikteri shekteýli tulǵalarǵa arnalǵan sporttyq daıarlaý ortalyǵy» RMQK.

Márege birinshi bolyp Qytaı sportyshysy LIU Zixu 22:38.05 sekýnd nátıjesimen kelse, onyń otandasy LIU Mengtao 22:58.07 ýaqtymen ekinshi bolyp keldi.

Sonymen qatar, Álem kýbogynda qazaqstandyq Aleksandr Gerlı (LW6) 7.5 km qashyqtyqtaǵy jarysta tórtinshi orynnan kórindi.

Aıta ketsek, para bıatlonnan Álem kýbogynyń kezeńi 12-21 jeltoqsanda Fınlıandııanyń Výokattı týrıstik sporttyq aımaǵynda ótedi. Jarysqa 21 memleketten 120-dan astam sportshy qatysady. El qurmasy sapynda 7 sportshy óner kórsetedi.