تەننيسشى جىبەك قۇلامباەۆا ITF W50 ءتۋرنيرىنىڭ شيرەك فينالىنا شىقتى

الەمنىڭ 337-راكەتكاسى جىبەك قۇلامباەۆا ءۇندىستاننىڭ ناۆي-مۋمباي قالاسىندا ءوتىپ جاتقان ITF W50 ءتۋرنيرىنىڭ شيرەك فينالىنا شىقتى، دەپ حابارلادى قازاقستان تەننيس فەدەراتسياسى.

جارىستىڭ 4-راكەتكاسى بولىپ تىركەلگەن تەننيسشى 1/8 فينالدا دۇنيەجۇزىلىك رەيتينگىدە 991-ورىندا تۇرعان جاپون انري ناگاتامەن وينادى.
ءبىرىنشى پارتيادا ج.قۇلامباەۆا 3، ا.ناگاتا 2 برەيكپەن كوزگە ءتۇسىپ، سەت 6:4 ەسەبىمەن وتانداسىمىزدىڭ پايداسىنا شەشىلدى.

ەكىنشى سەتتە دە وسى جاعداي قايتالاندى. ەسەپ — 7:5.

ماتچ 2 ساعات 4 مينۋتقا سوزىلدى.

ەندى جىبەك قۇلامباەۆا جارتىلاي فينالعا شىعۋ ءۇشىن الەمنىڭ 401-راكەتكاسى، يندونەزيالىق پريسكا مادەلين نۋگروحومەن وينايدى.