SportPress.kz قازاقستان سپورت جاڭالىقتارى
الماتىدا قازاقستان گيمناستيكا فەدەراتسياسىنىڭ ەسەپتىك-سايلاۋ كونفەرەنتسياسى بولدى. وعان ۇلتتىق وليمپيادالىق كوميتەتىنىڭ باس حاتشىسى ءالىمجان اقاەۆ قاتىستى، دەپ حابارلادى olympic.kz.
كونفەرەنتسيادا فەدەراتسيانىڭ ەسەپتى كەزەڭدەگى جۇمىسىنىڭ قورىتىندىلارى شىعارىلىپ، الداعى ۋاقىتقا ارنالعان دامۋ جوسپارلارى مەن ستراتەگيالارى تالقىلاندى.
كۇن تارتىبىندەگى باستى ماسەلە سپورت ۇيىمىنىڭ پرەزيدەنتىن سايلاۋ بولدى.
كونفەرەنتسياعا قاتىسۋشىلاردنىڭ ءبىراۋىزدان قابىلداعان شەشىمىمەن ءاليا يۋسۋپوۆا فەدەراتسيا باسشىسى قىزمەتىنە ءتورت جىلدىق مەرزىمگە قايتا سايلاندى.
وتكەن ماۋسىم بارلىعىمىز ءۇشىن ءساتتى بولدى. ءبىزدىڭ سپورتشىلار كەرەمەت، ءارى تاريحي ناتيجەلەر كورسەتتى. پاريجدەگى وليمپيادا ويىندارىنا العاش رەت گيمناستيكانىڭ ءۇش ءتۇرى: سپورتتىق، كوركەم جانە باتۋتتاعى گيمناستيكادان سپورتشىلار قاتىستى.
ازيا ويىندارى، ازيا چەمپيوناتتارىندا جانە الەم چەمپيوناتتارىندا بارلىق ديستسيپلينالار بويىنشا سپورتشىلارىمىز مەدال جەڭىپ الدى. سونىمەن قاتار ناريمان قۇربانوۆتىڭ 2024 جىلعى وليمپيادادا العان تاريحي كۇمىسىن ەرەكشە اتاپ وتكىم كەلەدى.
سپورتتىق اكروباتيكا مەن اەروبيكا دا وتانداستارىمىز ءبىزدى ازيا قۇرلىعىندا جانە الەمدىك جارىستاردا مەدالدارمەن قۋانتتى. ءبىزدىڭ تورەشىلەر حالىقارالىق گيمناستيكا فەدەراتسياسى (FIG) جانە ازيا گيمناستيكا وداعى (AGU) كوميتەتتەرىنىڭ قۇرامىنا ەندى.
قازاقستاندا گيمناستيكانى دامىتۋ – بۇل وسى سپورت تۇرىمەن اينالىساتىن ءاربىر ادامنىڭ ەڭبەگى. مەيلى ول بالالار جاتتىقتىرۋشىسى، باسشى، سپورتشى نەمەسە فەدەراتسيا وكىلى بولسىن، بارلىعىنىڭ قوسقان ۇلەسى ماڭىزدى.
ءبىز سپورت تۇرلەرىن ودان ءارى كۇشەيتىپ، ونىڭ حالىقارالىق ارەناداعى ورنىن نىعايتا ءتۇسىپ، بۇكىل ەل بويىنشا ميلليونداعان ادامدى شابىتتاندىرامىز. سەنىم بىلدىرگەندەرىڭىز ءۇشىن راقمەت، ءبىز بىرگە جاڭا جەتىستىكتەرگە جەتىپ، گيمناستيكانى بۇدان دا تانىمال سپورت تۇرىنە اينالدىرا الامىز، – دەدى يۋسۋپوۆا.
ەسكە سالا كەتەيىك، ءاليا يۋسۋپوۆا 2021 جىلى قازاقستان گيمناستيكا فەدەراتسياسىنىڭ پرەزيدەنتى قىزمەتىنە كەلگەن ەدى.
