Әлем чемпионы қарсыласын нокаутқа жіберді

Боксшы Теміртас Жүсіпов Қарағандыда өтіп жатқан Қазақстан чемпионатында бірінші жекпе-жегін өткізіп, қарсыласын нокаутқа жіберді. 

Ол 48 келіге дейінгі салмақ дәрежесінде  Рамазан Рузибайды жеңді.

Бұл жекпе-жекте Жүсіпов толық басымдық көрсетіп, бірінші раундта қарсыласын нокдаунға түсірсе, екіншісінде тағы да Рузибайды есеңгіретін жіберді. Осыдан кейін төреші жекпе-жекті тоқтатып тастады. Жүсіпов техникалық нокаутпен жеңіске жетті.

Теміртас Жүсіпов 2021 жылғы әлем чемпионы, екі дүркін Азия чемпионы (2013, 2019) және Бүкіләлемдік бокс сериясының (WSB) жеңімпазы.

Дастан КЕНЖАЛИН,

АСТАНА