Bıbisara Asaýbaeva rapıdten álem chempıonatynda úzdik ondyqqa kirdi

Búgin AQSh-tyń Nıý-Iork qalasynda shahmattyń rapıd túrinen álem chempıonaty aıaqtaldy. Osy jarystardyń qorytyndysy boıynsha Qazaqstan quramasy sapynda óner kórsetken Bıbisara Asaýbaeva segizinshi oryn aldy, dep habarlady Zakon.kz.

Ol birde-bir partııada  jeńilmeı, qorytyndy esepte 7,5 upaı jınady. Asaýbaeva jarystyń sońǵy kúninde armenııalyq Anna Sarkısıandy jeńip, zıýı Venzıýnmen (Qytaı) jáne Týrmýnhıın Mýnhzýlmen (Mońǵolııa) teń tústi.

Osylaısha, Bıbisara Asaýbaeva amerıkalyq rapıd týrnırin segizinshi orynda aıaqtady. Al álem chempıony úndistandyq Hampı Konerý (8,5 upaı) atandy. zıýı Venzıýn kúmis, reseılik Katerına Lagno qola júldeni ıelendi.

Áıelder quramasynyń qalǵan ókilderi 2024 jylǵy rapıdten álem chempıonatynda mynadaı nátıje kórsetti:

1.Merýert Kamalıdenova (16);

2.Ámına Qaıyrbekova (34);

3.Alýa Nurman (72);

4.Ásel Serikbaı (80);

5.Ksenııa Balabaeva (83);

6.Lııa Qurmanǵalıeva (84);

7.Elnaz Qalıahmet (86);

8.Zarına Nurǵalıeva (87);

9.Aıaýlym Qaldarova (98);

10.Zeınep Sultanbek (101).

Erler arasynda jeńis tuǵyryna reseılik grossmeısterler shyqty. Altyn júldeni 18 jastaǵy Volodar Mýrzın jeńip alsa, odan keıingi oryndardy Aleksandr Grıщýk pen Ian Nepomnıaщıı ıelendi.

Otandastarymyz bolsa jaqsy nátıje kórsete almady:

Rınat Jumabaev (62-oryn);

Aldııar Ańsat (69);

Arystan Isanjolov (87);

Qazybek Nógerbek (109);

Arystanbek Orazaev (118);

Álisher Súleımenov (129);

Mark Smırnov (133);

Edgar Mamedov (143);

Ramazan Jalmahanov (171).