SportPress.kz قازاقستان سپورت جاڭالىقتارى
Qazaqstan Football League پرەزيدەنتىنىڭ قىزمەتىنە ەرلان جامانتاەۆ تاعايىندالدى.
ليگا مۇشەلەرىنىڭ سىرتتاي وتىرىسىندا داۋىس بەرۋشىلەردىڭ باسىم بولىگى 50 جاستاعى وتاندىق ماماندى وسى قىزمەتكە لايىق دەپ تانىدى.
ەرلان ايتپاي ۇلىنىڭ ەسىمى قازاق سپورتىنا تاڭسىق ەمەس. ول كىسى كەزىندە ءوزى فۋتبولمەن كاسىبي تۇردە اينالىسقان. استانانىڭ «ۇشقىن-يسكرا» اتتى جەكەمەنشىك كلۋبىنىڭ جەتەكشىسى ءارى باس جاتتىقتىرۋشىسى بولعان. كەيبىر جىلدارى قازاقستاننىڭ جاعاجاي فۋتبولىن تىزگىندەپ، بۇقارالىق جانە ايەلدەر فۋتبول جانە فۋتزال دەپارتامەنتىن باسقاردى. 2021-2023 جىلدارى «اقتوبە» فۋتبول كلۋبىنىڭ باسقارما توراعاسى قىزمەتىن اتقارىپ، 2024 جىلى «وقجەتپەس» فۋتبول كلۋبىنىڭ ديرەكتورى بولدى.
بۇعان دەيىن QFL پرەزيدەنتى قىزمەتىن عاني قاينازاروۆ اتقارعان.
باقي ازامات
