Byltyr «Oqjetpes» shıpajaıdarynda 45 myńǵa jýyq adam em alǵan

Byltyr Prezıdent Is basqarmasy Medıınalyq ortalyǵyna qarasty shıpajaılarda 45 myńǵa jýyq adam em alǵan. Onyń ishinde «Oqjetpes» emdeý-saýyqtyrý kesheninde 27 554 adam emdelse, onyń 1 936 shetel azamattary.

«Almaty resort» Almaty qalasyndaǵy shıpajaı fılıalynda 261 shetel azamatyn qosqanda 10 992 adam em alǵan. Essentýkı kýrorttyq qalasynda ornalasqan «Qazaqstan» shıpajaıyna 4 881 adam barsa, sonyń ishinde 1 489 shetel azamaty emdelgen.

«Oqjetpes» brendine búginde úsh iri shıpajaı kiredi. Olar: Býrabaıdaǵy «Oqjetpes», Almaty qalasynda ornalasqan «Almaty resort» jáne Essentýkı kýrorttyq-aımaǵyndaǵy «Qazaqstan» shıpajaıy. Ár shıpajaıda 13 saýyqtyrý jáne 10-nan astam ońaltý baǵdarlamasy men 112 emdik sharasy bar.

Elimizdegi medıınalyq týrızmdi damytý maqsatynda ár shıpajaı biregeı emdelý baǵdarlamalaryn usynady. Úsh shıpajaıǵa shetel azamattar tarapynan qyzyǵýshylyq artyp keledi. Onyń ishinde kósh bastap turǵan Reseı men Ázerbaıjan memleketi.

Eń kóp suranysqa ıe em sharalar tiziminde sýmen emdeý (gıdroterapııa), galoterapııa, pantoterapııa jáne naftalan sharasy bar.

Saltanat QAJYKEN,

ALMATY