Harbın-2025 eń kóp el qatysatyn qysqy Azıadaǵa aınaldy

7-14 aqpan aralyǵynda Qytaıdyń Harbın qalasynda ótetin IX qysqy Azııa oıyndaryna qurlyqtaǵy 34 Ulttyq Olımpıada komıtetiniń sapynda 1275 sportshy jınalady, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Azııa Olımpıada keńesiniń málemetine qaraǵanda, bul qysqy oıyndar arasyndaǵy rekord. Saýd Arabııasy men Kambodja alǵash ret qysqy sporttan qatysady. Osyǵan deıingi Japonııanyń Sapporo qalasynda jalaýy jelbiregen jarysta qurlyqtaǵy 30 el jáne Tynyq muhıty aımaǵynan Aýstralııa men Jańa Zelandııany qosqanda 32 komıtet tirkelgen. Al sportshylar sany 1 147 bolǵan. Araǵa 8 jyl salyp, Harbınde olardyń sany 128 atletke kóbeıedi.

Aıta keteıik, 1 275 sportshynyń 755-i er, 520-sy áıel. Olardyń 847-si muz aıdynyndaǵy jarystarda kúsh synasady. Al qalǵan 428-i bıatlon, shańǵy jarysy syndy Iabýlı qalasynda ótetin qar sportynda kim myqtyny anyqtaıdy.

Taǵy bir aqparat, IX qysqy Azııa oıyndarynda 32 júlde jıyntyǵy Harbındegi muz aıdynyndaǵy synda, qalǵan 32 altyn medal ıegeri Iabýlıde belgili bolady.

Eske sala keteıik, Azııa Olımpıada keńesiniń quramyna barlyǵy 45 Ulttyq Olımpıada komıteti múshe. Uıymnyń bas keńsesi Kýveıt astanasynda.