SportPress.kz قازاقستان سپورت جاڭالىقتارى
بۇگىن فۋتزالدان قازاقستان ۇلتتىق قۇراماسى 2026 جىلعى ەۋروپا چەمپيوناتىنىڭ ىرىكتەۋ تۋينيرىندەگى ءتورتىنشى ويىنىندا دانيا كومانداسىن 7:3 ەسەبىمەن ويسىراتا جەڭدى.
ۇلتتىق قۇراما التىنشى توپتا ارمەنيا، دانيا جانە البانيامەن ويناپ جاتىر.
بۇگىنگى ويىندا ەل قۇراماسى ءبىرىنشى تايمدا قارسىلاستار قاقپاسىن ءتورت رەت ءدال كوزدەدى. ويىننىڭ 1-مينۋتىندا دانيا قۇراماسى ءوز قاقپاسىنا اۆتوگول جىبەرىپ السا، ودان كەيىن دۋگلاس جۋنيور 1، 8، اقجول ءدارىباي 6-مينۋتتا داتتاردىڭ قاقپاسىنا گول سوقتى. ەسەپ 4:0 بولىپ تۇرعاندا دانيالىق فۋتزالشىلار ءۇش گول سوعىپ، ەسەپتى ءبىر دوپقا قىسقارتتى.
ەكىنشى تايمدا ازات ۆاليۋللين 28، دامير قايىرباي 32، داۋرەن تۇرساعۇلوۆ 35-مينۋتتا ەسەپتى ەسەلەدى. وسىلايشا قازاقستان قۇراماسى قارسىلاسىن 7:3 ەسەبىمەن جەڭدى.
سونداي-اق بۇگىن ساعات 23:00 -دە البانيا مەن ارمەنيا قۇرامالارى وينايدى.
بۇدان كەيىن ەل قۇراماسى 7 ناۋرىزدا ءوز الاڭىندا البانيامەن كەزدەسسە، 12 ناۋرىزدا ارمەنياعا جولعا شىعادى.
ەل قۇراماسى ىرىكتەۋ ءتۋرنيرىنىڭ العاشقى ويىنىندا البانيانى 2:0 ەسەبىمەن جەڭىپ، ودان كەيىن ارمەنيامەن 4:4 ەسەبىمەن تەڭ ويناسا، دانيادان 2:3 ەسەبىمەن جەڭىلىپ قالعان ەدى.
داستان كەنجالين،
استانا
