EURO-2026: Fýtzaldan Qazaqstan komandasy Danııadan ese qaıtardy

Búgin fýtzaldan Qazaqstan ulttyq quramasy 2026 jylǵy Eýropa chempıonatynyń irikteý týınırindegi tórtinshi oıynynda Danııa komandasyn 7:3 esebimen oısyrata jeńdi.

Ulttyq qurama altynshy topta Armenııa, Danııa jáne Albanııamen oınap jatyr.

Búgingi oıynda el quramasy birinshi taımda qarsylastar qaqpasyn tórt ret dál kózdedi. Oıynnyń 1-mınýtynda Danııa quramasy óz qaqpasyna avtogol jiberip alsa, odan keıin Dýglas Jýnıor 1, 8, Aqjol Dáribaı 6-mınýtta dattardyń qaqpasyna gol soqty. Esep 4:0 bolyp turǵanda danııalyq fýtzalshylar úsh gol soǵyp, esepti bir dopqa qysqartty.

Ekinshi taımda Azat Valıýllın 28, Damır Qaıyrbaı 32, Dáýren Tursaǵulov 35-mınýtta esepti eseledi. Osylaısha Qazaqstan quramasy qarsylasyn 7:3 esebimen jeńdi.

Sondaı-aq búgin saǵat 23:00 -de Albanııa men Armenııa quramalary oınaıdy.

Budan keıin el quramasy 7 naýryzda óz alańynda Albanııamen kezdesse, 12 naýryzda Armenııaǵa jolǵa shyǵady.

El quramasy irikteý týrnıriniń alǵashqy oıynynda Albanııany 2:0 esebimen jeńip, odan keıin Armenııamen 4:4 esebimen teń oınasa, Danııadan 2:3 esebimen jeńilip qalǵan edi.

Dastan KENJALIN,

ASTANA