ارداگەرلەر جاسىل الاڭنىڭ شاڭىن قاقتى

بۇگىن ناۋرىز مەيرامىنا وراي، وتەگەن ەلدى مەكەنىندە شاعىن فۋتبولدان الامان جارىس بولىپ ءوتتى. بۇل تاماشا مەرەكەلىك ءىس-شارانى ەلگە بەلگىلى جۋرناليست، سپورت ارداگەرى ءالىم اناپيانوۆ ۇيىمداستىردى. ارداگارلەردىڭ باسىن قوسىپ، تاماشا ءبىر كوڭىل-كۇي سىيلاعان ارىپتەسىمىزگە ارداگەرلەر شەكسىز راحمەتىن ايتتى.

ناۋرىز مەرەكەسىنە ارنالىپ كەلگەن ارداگەرلەر اراسىنداعى بۇل تۋرنير وسىمەن 4 جىل قاتارىنان وتكىزىلىپ كەلەدى. ءداستۇرلى جارىس دەپ ايتۋعا تولىق نەگىز بار. حوش، سونىمەن جارىس الاڭىنا شىققان 6 كوماندا كۇن ۇزاق شىن مىقتىنى انىقتاۋ ءۇشىن جاسىل الاڭدا جان اياماي بارىن سالدى. بۇل تۋرنيرگە قازاق فۋبولىنىڭ ارداگەرى اسقار قوجابەرگەنوۆ تە كەلىپ قاتىسىپ تاماشالادى.

«فۋتبول اقىلداعىنى اياققا ءتۇسىرىپ وينايتىن ويىن»، دەپ سپورت جۋرناليستيكاسىنىڭ اتاسى سەيداحمەت بەردىقۇلوۆ بەكەر ايتپاعان بولسا كەرەك. وسى الەم حالقى قىزىعا قارايتىن سپورتتىڭ باستى قۇندىلىعى — دەنساۋلىقتى جاقسارتا وتىرىپ، ۇلى ونەردىڭ قىر-سىرىنا تويماي جۇگىرىپ ويناۋ. فۋتبولدىڭ ءبىر ەرەكشەلىگى مۇنى جاستا كارى دە ويناسا بولادى. قازاقتىڭ اتاقتى كوممەنتاتورى دياس وماروۆ جاسى 80-گە جەتسە دە دوپ ويناپ سالاۋاتتى ءومىر سالتىن قالىپتاستىرىپ ءجۇرۋشى ەدى. سوندىقتاندا بۇگىنگى جارىسقا كەلىپ قاتىسقانداردىڭ ارتى ەلۋدە بولسا الدى جەتپىستى ەڭسەرگەن قاريالار بولدى. وسىنداي جاس كەلسە دە جاستارعا ۇلگى بولىپ جۇرگەن بۇل كىسىلەرگە اللا دەنساۋلىق بەرسىن دەيمىز.

ءبىزدىڭ «ارداگەر» اتتى ارداگەرلەر كومانداسى دا تارتىستى ويىن كورسەتىپ جارىستىڭ قولا جۇلدەسىن جەڭىپ الدى. ەڭ باستىسى، وسىنداي شۋاعىن شاشقان كوكتەمنىڭ جايما-شۋاق كۇندەرىندە دوپ تەپكەندى قىس بويى اڭساعان ارداگارلەر ويىننان كەرەمەت اسەر الىپ، ەستەلىككە سۋرەتكە ءتۇسىپ جاتتى. اتتەڭ مىنە كۇنۇزاق ارداگەرلەرگە ۇمىتىلماستاي اسەر سىيلاعان جارىس مارەسىنە جەتىپ، ۇزدىك كوماندالار مەن ۇزدىك ويىنشىلار ماراپاتتالىپ تارقايتىن ساتتە كەلىپ جەتتى. ويىن اياقتالسا دا سپورتتاعى ارداگەرلەردىڭ جارىسى اياقتالماسا دەگەن ۇمىتتەمىز.

اقىن ورداباي ۇلى،

الماتى وبلىسى

وتەگەن اۋىلى