حالىقتىڭ جاعدايىن ويلاعان كومپانيا

الماتى قالاسىنىڭ ورتالىعىنان سولتۇستىككە قاراي 47 شاقىرىم جەردە ورنالاسقان الاتاۋ قالاسىنا جول ءتۇستى. ويتكەنى ءبىز قازاقستانداعى تەز دايىندالاتىن كەسپە ءوندىرىسىنىڭ كوشباسشىسى – حالىقارالىق ساۋدا-وندىرىستىك كومپانيا «مارەۆەن فۋد تيان-شان»-نىڭ 10 جىلدىق مەرەيتويىنا كەلگەن بولاتىنبىز.

كومپانيانىڭ تەرريتورياسىنا كىرگەنىمىزدە كوزىمىزگە ەڭ الدىمەن قاز-قاتار ءتىزىلىپ تۇرعان سۋ جاڭا جەدەل جاردەم كولىكتەرى ءتۇستى. ولاردىڭ ارقايسىسىنىڭ قاسىندا ءبىر فەلدشەر مەن ءبىر كولىك جۇرگىزۋشى ساپ تۇزەپ تۇردى.

ءبىزدىڭ ويىمىزشا، دەنساۋلىق ساقتاۋ سالاسى – ەلدەگى ەڭ ماڭىزدى سالالاردىڭ ءبىرى. ازاماتتارىمىزدىڭ، سونىڭ ىشىندە ەلدىڭ تۇرعىندارىنىڭ دەنساۋلىعىنىڭ مىقتى بولعانى قوعام ءۇشىن مارتەبە دەپ سانايمىن. سوندىقتان، جەدەل جاردەم كولىكتەرى – ءوڭىر ءۇشىن ناقتى پايداسى تيەتىن سىيلىق دەپ شەشتىك، –  دەدى كومپانيانىڭ اتقارۋشى ديرەكتورى الەكسەي سەرديۋكوۆ.

سودان كەيىن سالتاناتتى تۇردە كولىكتەردىڭ كىلتىن تابىس ەتۋ ءراسىمى بولدى.

كومپانيا وزدەرىنىڭ تويلارىندا وبلىس حالقىنىڭ دەنساۋلىعىن ويلاپ، كولىكتەر سىيلاۋدا. ون جەدەل جاردەم كولىكتەرى وبلىستىڭ ون اۋدانىنا جول تارتاتىن بولادى، – دەپ ريزاشىلىق كوڭىلمەن اق تىلەگىن، العىسىن الماتى وبلىستىق دەنساۋلىق ساقتاۋ باسقارماسىنىڭ باسشىسى ەرجان ابىلقاسىم ۇلى سۇلەيمەنوۆ جەتكىزدى.

وسىدان كەيىن تىلشىلەر قاۋىمى قاۋىپسىزدىك شارالارىن تولىق ساقتاي وتىرىپ، كومپانيانىڭ اۆتوماتتاندىرىلعان جۇيەمەن جۇمىس ىستەپ جاتقان بارلىق بولىمدەرىن تۇگەل ارالاپ، كورىپ شىقتىق. مودەراتور اننا ورلوۆا ءبىزدى فابريكاداعى رەت-رەتىمەن ورىندالىپ، اتقارىلىپ جاتقان جۇمىس پروتسەستەرىمەن تانىستىردى. ال، تۋىنداعان سۇراقتارعا ءاربىر فابريكانىڭ ديرەكتورلارى تۇسىنىكتى تۇردە جاۋاپ قايتاردى. ءبىز كەسپە ونىمدەرىنىڭ ۇن مەن سۋدان قالاي دايىندالاتىنىن ءوز كوزىمىزبەن كوردىك.

كومپانيا قازاقستاندا 2015 جىلى تىركەلىپ، ال 2018 جىلى قوناەۆ قالاسىنا جاقىن جەردە ازىق-ت ۇلىك وندىرەتىن ءىرى زاۋىت ىسكە قوسىلدى. بۇگىندە «مارەۆەن فۋد تيان-شان» قازاقستانداعى ازىق-ت ۇلىك وندىرۋشىلەرىنىڭ توپ-10 قاتارىنا كىرەدى.

ءبىزدىڭ كومپانيا قازاقستان رەسپۋبليكاسىنىڭ نارىعىندا 10 جىلدان بەرى سەنىمدى دامىپ كەلەدى، ءارى ءونىمنىڭ شامامەن 48 پايىزىن ورتالىق ازيا ەلدەرى مەن باسقا دا مەملەكەتتەرگە ەكسپورتتايدى. كومپانيانىڭ دامۋى ساندارمەن دە راستالادى. ماسەلەن، 2017 جىلدان باستاپ «مارەۆەن فۋد تيان-شان» 35 ميلليارد تەڭگەدەن استام ينۆەستيتسيا قۇيدى، الداعى جوسپارلاردا – 21 ميلليارد تەڭگەگە جاڭا وندىرىستىك جەلىلەر سالۋ جوسپارلانۋدا. كومپانيا اينالىمى 8 ەسەدەن استام ءوستى، ال ساتىلىم كولەمى شامامەن 400 ملن بىرلىككە جەتتى، – دەدى كومپانيانىڭ باس ديرەكتورى سەرگەي پوپوۆ.

مارەۆەن پورتفوليوسىندا 120-دان استام ءونىم ءتۇرى بار. تەك 2024 جىلى كومپانيا 12 جاڭا ءونىمدى نارىققا شىعاردى. ولاردىڭ اراسىندا تەز دايىندالاتىن كەسپەدەن بولەك، ليمونادتار (Sunbel)، ەنەرگەتيكالىق سۋسىندار، ءداستۇرلى ماكارون ونىمدەرى، سورپالار، دامدەۋىشتەر، قۇرعاق قوسپالار، كارتوپ پيۋرەسى مەن بوتقالار بار.

«مارەۆەن فۋد تيان-شان» – الماتى وبلىسىنداعى ءىرى ينۆەستيتسيالىق جوبا رەتىندە تەك ساپالى ءونىم وندىرۋمەن عانا شەكتەلمەيدى، جۇمىس ورىندارىن ۇسىنىپ، الەۋمەتتىك جاۋاپكەرشىلىكتى دە باستى نازاردا ۇستايدى. بۇگىندە كومپانيادا 670-تەن استام ادام جۇمىس ىستەيدى، ولاردىڭ 95 پايىزى جاقىن ماڭداعى ەلدى مەكەن تۇرعىندارى. كومپانيا الەۋمەتتىك ءالسىز توپتارعا تۇراقتى تۇردە قايىرىمدىلىق جانە دەمەۋشىلىك كومەك كورسەتىپ كەلەدى، توتەنشە جاعدايلار كەزىندە گۋمانيتارلىق قولداۋ بىلدىرەدى، سونداي-اق ايماقتاعى ينفراقۇرىلىمدى جاقسارتۋعا كۇش سالادى.

بيىلعى جىلى مارەۆەن ەل ىشىندەگى نارىقتى ودان ءارى دامىتۋعا كۇش سالىپ، تۇتىنۋشىلارعا كەم دەگەندە 20 جاڭا ءونىمدى ۇسىنۋدى جوسپارلاپ وتىر. ايتا كەتۋ كەرەك، كومپانيا نەگىزىنەن جەرگىلىكتى شيكىزاتتى پايدالانادى، ال وندىرىلەتىن ازىق-ت ۇلىك ونىمدەرى قر-سىنىڭ زاڭناماسىندا بەلگىلەنگەن تالاپتار مەن نورماتيۆتەرگە تولىق سايكەس كەلەدى.

سالتانات قاجىكەن،

الماتى