Halyqtyń jaǵdaıyn oılaǵan kompanııa

Almaty qalasynyń ortalyǵynan soltústikke qaraı 47 shaqyrym jerde ornalasqan Alataý qalasyna jol tústi. О́ıtkeni biz Qazaqstandaǵy tez daıyndalatyn kespe óndirisiniń kóshbasshysy – halyqaralyq saýda-óndiristik kompanııa «Mareven Fýd Tıan-Shan»-nyń 10 jyldyq mereıtoıyna kelgen bolatynbyz.

Kompanııanyń terrıtorııasyna kirgenimizde kózimizge eń aldymen qaz-qatar tizilip turǵan sý jańa jedel járdem kólikteri tústi. Olardyń árqaısysynyń qasynda bir feldsher men bir kólik júrgizýshi sap túzep turdy.

Bizdiń oıymyzsha, densaýlyq saqtaý salasy – eldegi eń mańyzdy salalardyń biri. Azamattarymyzdyń, sonyń ishinde eldiń turǵyndarynyń densaýlyǵynyń myqty bolǵany qoǵam úshin mártebe dep sanaımyn. Sondyqtan, jedel járdem kólikteri – óńir úshin naqty paıdasy tıetin syılyq dep sheshtik, –  dedi kompanııanyń atqarýshy dırektory Alekseı Serdıýkov.

Sodan keıin saltanatty túrde kólikterdiń kiltin tabys etý rásimi boldy.

Kompanııa ózderiniń toılarynda oblys halqynyń densaýlyǵyn oılap, kólikter syılaýda. On jedel járdem kólikteri oblystyń on aýdanyna jol tartatyn bolady, – dep rızashylyq kóńilmen aq tilegin, alǵysyn Almaty oblystyq densaýlyq saqtaý basqarmasynyń basshysy Erjan Ábilqasymuly Súleımenov jetkizdi.

Osydan keıin tilshiler qaýymy qaýipsizdik sharalaryn tolyq saqtaı otyryp, kompanııanyń avtomattandyrylǵan júıemen jumys istep jatqan barlyq bólimderin túgel aralap, kórip shyqtyq. Moderator Anna Orlova bizdi fabrıkadaǵy ret-retimen oryndalyp, atqarylyp jatqan jumys proesterimen tanystyrdy. Al, týyndaǵan suraqtarǵa árbir fabrıkanyń dırektorlary túsinikti túrde jaýap qaıtardy. Biz kespe ónimderiniń un men sýdan qalaı daıyndalatynyn óz kózimizben kórdik.

Kompanııa Qazaqstanda 2015 jyly tirkelip, al 2018 jyly Qonaev qalasyna jaqyn jerde azyq-túlik óndiretin iri zaýyt iske qosyldy. Búginde «Mareven Fýd Tıan-Shan» Qazaqstandaǵy azyq-túlik óndirýshileriniń TOP-10 qataryna kiredi.

Bizdiń kompanııa Qazaqstan Respýblıkasynyń naryǵynda 10 jyldan beri senimdi damyp keledi, ári ónimniń shamamen 48 paıyzyn Ortalyq Azııa elderi men basqa da memleketterge eksporttaıdy. Kompanııanyń damýy sandarmen de rastalady. Máselen, 2017 jyldan bastap «Mareven Fýd Tıan-Shan» 35 mıllıard teńgeden astam ınvestıııa quıdy, aldaǵy josparlarda – 21 mıllıard teńgege jańa óndiristik jeliler salý josparlanýda. Kompanııa aınalymy 8 eseden astam ósti, al satylym kólemi shamamen 400 mln birlikke jetti, – dedi kompanııanyń bas dırektory Sergeı Popov.

Mareven portfolıosynda 120-dan astam ónim túri bar. Tek 2024 jyly kompanııa 12 jańa ónimdi naryqqa shyǵardy. Olardyń arasynda tez daıyndalatyn kespeden bólek, lımonadtar (Sunbel), energetıkalyq sýsyndar, dástúrli makaron ónimderi, sorpalar, dámdeýishter, qurǵaq qospalar, kartop pıýresi men botqalar bar.

«Mareven Fýd Tıan-Shan» – Almaty oblysyndaǵy iri ınvestıııalyq joba retinde tek sapaly ónim óndirýmen ǵana shektelmeıdi, jumys oryndaryn usynyp, áleýmettik jaýapkershilikti de basty nazarda ustaıdy. Búginde kompanııada 670-ten astam adam jumys isteıdi, olardyń 95 paıyzy jaqyn mańdaǵy eldi meken turǵyndary. Kompanııa áleýmettik álsiz toptarǵa turaqty túrde qaıyrymdylyq jáne demeýshilik kómek kórsetip keledi, tótenshe jaǵdaılar kezinde gýmanıtarlyq qoldaý bildiredi, sondaı-aq aımaqtaǵy ınfraqurylymdy jaqsartýǵa kúsh salady.

Bıylǵy jyly Mareven el ishindegi naryqty odan ári damytýǵa kúsh salyp, tutynýshylarǵa kem degende 20 jańa ónimdi usynýdy josparlap otyr. Aıta ketý kerek, kompanııa negizinen jergilikti shıkizatty paıdalanady, al óndiriletin azyq-túlik ónimderi QR-synyń zańnamasynda belgilengen talaptar men normatıvterge tolyq sáıkes keledi.

Saltanat QAJYKEN,

ALMATY