قازاقستان قۇرامالارىنىڭ الداعى وقۋ-جاتتىعۋ جيىندارى مەن ماتچتارىنىڭ كەستەسى

حالىقارالىق رەسمي جارىستارعا دايىندىق اياسىندا قازاقستاننىڭ ۇلتتىق جانە جاسوسپىرىمدەر قۇرامالارى 23 مامىر مەن 10 ماۋسىم ارالىعىندا بىرقاتار وقۋ-جاتتىعۋ جيىندارى مەن جولداستىق جانە رەسمي ماتچتار وتكىزەدى.

قازاقستان ۇلتتىق قۇراماسى

باس جاتتىقتىرۋشى – ءالي اليەۆ

قازاقستان ۇلتتىق قۇراماسى 2026 جىلعى الەم چەمپيوناتىنىڭ ىرىكتەۋ كەزەڭىنە دايىندىقتى جالعاستىرادى. وقۋ-جاتتىعۋ جيىنى اياسىندا كوماندا ەكى حالىقارالىق ماتچ وتكىزەدى. 5 ماۋسىم كۇنى مينسك قالاسىنداعى «دينامو» ستاديونىندا بەلارۋس قۇراماسىنا قارسى جولداستىق كەزدەسۋ وتەدى (ويىن باستالۋى – 20:00، استانا ۋاقىتىمەن). ال 9 ماۋسىمدا ەلورداداعى «استانا ارەنا» ستاديونىندا سولتۇستىك ماكەدونيا قۇراماسىنا قارسى الەم چەمپيوناتىنىڭ ىرىكتەۋ كەزەڭى اياسىنداعى رەسمي ماتچ وتەدى. ويىن باستالۋى – 19:00. بيلەتتەردى Ticketon.kz سايتىنان ساتىپ الۋعا بولادى.

قازاقستان جاستار قۇراماسى (U-21)

اعا جاتتىقتىرۋشى – دەنيس مامونوۆ

U-21 قۇراماسى 1-6 ماۋسىم ارالىعىندا استانادا وقۋ-جاتتىعۋ جيىنىن وتكىزەدى. بۇل جيىن 2027 جىلعى ەۋروپا چەمپيوناتىنىڭ ىرىكتەۋ كەزەڭىنە دايىندىق ماقساتىندا ۇيىمداستىرىلادى.

5 ماۋسىم كۇنى «استانا ارەنادا» جاستار قۇراماسى اندوررا U-21 كومانداسىمەن رەسمي كەزدەسۋ وتكىزەدى. باستالۋى – 19:30. بيلەتتەر Ticketon.kz سايتىندا قولجەتىمدى.

قازاقستان جاسوسپىرىمدەر قۇراماسى (U-19)

اعا جاتتىقتىرۋشى – كيريلل كەكەر

U-19 قۇراماسى 31 مامىر مەن 10 ماۋسىم ارالىعىندا شىمكەنت قالاسىندا وقۋ-جاتتىعۋ جيىنىن وتكىزەدى. جوسپارعا سايكەس ءۇش جولداستىق ماتچ قاراستىرىلعان:

5 ماۋسىمدا ءبىرىنشى ليگا وكىلى «وڭتۇستىك اكادەمياسىمەن»;

7 ماۋسىمدا «تۇران» فك-مەن ماتچ;

10 ماۋسىمدا «ورداباسى» كلۋبىمەن كەزدەسۋ وتەدى.

 قازاقستان جاسوسپىرىمدەر قۇراماسى (U-17)

اعا جاتتىقتىرۋشى – باۋىرجان ساعىندىق

U-17 قۇراماسى 28 مامىردان باستاپ وقۋ-جاتتىعۋ جيىنىن باستايدى. جيىن ەكى قالادا – تالعار مەن ازەربايجاننىڭ گابالا قالاسىندا وتەدى.

6 ماۋسىمدا كوماندا ازەربايجان قۇراماسىمەن، ال 8 ماۋسىمدا گرۋزيا قۇراماسىمەن جولداستىق كەزدەسۋلەر وتكىزەدى.

قازاقستان ايەلدەر ۇلتتىق قۇراماسى

باس جاتتىقتىرۋشى – ءماديار كەمبىلوۆ

ايەلدەر قۇراماسى 23 مامىر مەن 4 ماۋسىم ارالىعىندا الماتىدا، بەساعاشتاعى «قايرات» فۋتبول كلۋبىنىڭ بازاسىندا وقۋ-جاتتىعۋ جيىنىن وتكىزەدى.

كوماندا ءتورت ماتچ وتكىزەدى:

25 جانە 28 مامىر كۇندەرى قىرعىزستان قۇراماسىنا قارسى جولداستىق كەزدەسۋلەر (باستالۋى – 15:00، كىرۋ تەگىن);

30 مامىردا ليحتەنشتەينگە قارسى ۋەفا ۇلتتار ليگاسى اياسىنداعى رەسمي ماتچ (باستالۋى – 17:00);

3 ماۋسىمدا ليۋكسەمبۋرگ قۇراماسىمەن كەزدەسۋ (باستالۋى – 22:00).

بارلىق رەسمي ويىندار الماتىنىڭ ورتالىق ستاديونىندا وتەدى. بيلەتتەر Ticketon.kz سايتىندا ساتىلۋدا.

قازاقستان قىزدار قۇراماسى (WU-19)

اعا جاتتىقتىرۋشى – جاننا مالگاجداروۆا

WU-19 قۇراماسى 26 مامىر مەن 3 ماۋسىم ارالىعىندا الماتى جانە تاشكەنت قالالارىندا وقۋ-جاتتىعۋ جيىنىن وتكىزەدى. جيىن بارىسىندا وزبەكستان U-20 قىزدار قۇراماسىنا قارسى سىرت الاڭدا ەكى جولداستىق ماتچ وتكىزۋ جوسپارلانعان: 30 مامىر جانە 2 ماۋسىم كۇندەرى.

قازاقستان قىزدار قۇراماسى (WU-17)

اعا جاتتىقتىرۋشى – يۋليا مامونوۆا

WU-17 كومانداسى 24 مامىر مەن 1 ماۋسىم ارالىعىندا الماتى مەن بىشكەكتە وقۋ-جاتتىعۋ جيىنىن وتكىزەدى. 27 جانە 30 مامىر كۇندەرى قىزدار قىرعىزستاننىڭ ءوز قاتارلاس قۇراماسىنا قارسى جولداستىق ماتچتار وتكىزەدى. قوس ويىن دا بىشكەكتە وتەدى.