Qazaqstan quramalarynyń aldaǵy oqý-jattyǵý jıyndary men matchtarynyń kestesi

Halyqaralyq resmı jarystarǵa daıyndyq aıasynda Qazaqstannyń ulttyq jáne jasóspirimder quramalary 23 mamyr men 10 maýsym aralyǵynda birqatar oqý-jattyǵý jıyndary men joldastyq jáne resmı matchtar ótkizedi.

Qazaqstan ulttyq quramasy

Bas jattyqtyrýshy – Álı Álıev

Qazaqstan ulttyq quramasy 2026 jylǵy álem chempıonatynyń irikteý kezeńine daıyndyqty jalǵastyrady. Oqý-jattyǵý jıyny aıasynda komanda eki halyqaralyq match ótkizedi. 5 maýsym kúni Mınsk qalasyndaǵy «Dınamo» stadıonynda Belarýs quramasyna qarsy joldastyq kezdesý ótedi (oıyn bastalýy – 20:00, Astana ýaqytymen). Al 9 maýsymda elordadaǵy «Astana Arena» stadıonynda Soltústik Makedonııa quramasyna qarsy álem chempıonatynyń irikteý kezeńi aıasyndaǵy resmı match ótedi. Oıyn bastalýy – 19:00. Bıletterdi Ticketon.kz saıtynan satyp alýǵa bolady.

Qazaqstan jastar quramasy (U-21)

Aǵa jattyqtyrýshy – Denıs Mamonov

U-21 quramasy 1-6 maýsym aralyǵynda Astanada oqý-jattyǵý jıynyn ótkizedi. Bul jıyn 2027 jylǵy Eýropa chempıonatynyń irikteý kezeńine daıyndyq maqsatynda uıymdastyrylady.

5 maýsym kúni «Astana Arenada» jastar quramasy Andorra U-21 komandasymen resmı kezdesý ótkizedi. Bastalýy – 19:30. Bıletter Ticketon.kz saıtynda qoljetimdi.

Qazaqstan jasóspirimder quramasy (U-19)

Aǵa jattyqtyrýshy – Kırıll Keker

U-19 quramasy 31 mamyr men 10 maýsym aralyǵynda Shymkent qalasynda oqý-jattyǵý jıynyn ótkizedi. Josparǵa sáıkes úsh joldastyq match qarastyrylǵan:

5 maýsymda Birinshi lıga ókili «Ońtústik Akademııasymen»;

7 maýsymda «Turan» FK-men match;

10 maýsymda «Ordabasy» klýbymen kezdesý ótedi.

 Qazaqstan jasóspirimder quramasy (U-17)

Aǵa jattyqtyrýshy – Baýyrjan Saǵyndyq

U-17 quramasy 28 mamyrdan bastap oqý-jattyǵý jıynyn bastaıdy. Jıyn eki qalada – Talǵar men Ázerbaıjannyń Gabala qalasynda ótedi.

6 maýsymda komanda Ázerbaıjan quramasymen, al 8 maýsymda Grýzııa quramasymen joldastyq kezdesýler ótkizedi.

Qazaqstan áıelder ulttyq quramasy

Bas jattyqtyrýshy – Mádııar Kembilov

Áıelder quramasy 23 mamyr men 4 maýsym aralyǵynda Almatyda, Besaǵashtaǵy «Qaırat» fýtbol klýbynyń bazasynda oqý-jattyǵý jıynyn ótkizedi.

Komanda tórt match ótkizedi:

25 jáne 28 mamyr kúnderi Qyrǵyzstan quramasyna qarsy joldastyq kezdesýler (bastalýy – 15:00, kirý tegin);

30 mamyrda Lıhtenshteınge qarsy ÝEFA Ulttar lıgasy aıasyndaǵy resmı match (bastalýy – 17:00);

3 maýsymda Lıýksembýrg quramasymen kezdesý (bastalýy – 22:00).

Barlyq resmı oıyndar Almatynyń Ortalyq stadıonynda ótedi. Bıletter Ticketon.kz saıtynda satylýda.

Qazaqstan qyzdar quramasy (WU-19)

Aǵa jattyqtyrýshy – Janna Malgajdarova

WU-19 quramasy 26 mamyr men 3 maýsym aralyǵynda Almaty jáne Tashkent qalalarynda oqý-jattyǵý jıynyn ótkizedi. Jıyn barysynda О́zbekstan U-20 qyzdar quramasyna qarsy syrt alańda eki joldastyq match ótkizý josparlanǵan: 30 mamyr jáne 2 maýsym kúnderi.

Qazaqstan qyzdar quramasy (WU-17)

Aǵa jattyqtyrýshy – Iýlııa Mamonova

WU-17 komandasy 24 mamyr men 1 maýsym aralyǵynda Almaty men Bishkekte oqý-jattyǵý jıynyn ótkizedi. 27 jáne 30 mamyr kúnderi qyzdar Qyrǵyzstannyń óz qatarlas quramasyna qarsy joldastyq matchtar ótkizedi. Qos oıyn da Bishkekte ótedi.