Qazaqstan sporttyq gımnastıkadan Azııa chempıonatynda qola júlde aldy

Ońtústik Koreıanyń Chechhon qalasynda ótip jatqan Azııa chempıonatynda Qazaqstannyń jasóspirimder quramasy sporttyq gımnastıkadan qola medal jeńip aldy.

Ulttyq quramanyń sportshylary komandalyq kópsaıysta úshinshi orynǵa shyqty. Júldege Nurtan Ydyrysov, Roman Hegaı, Artıom Kovalev, Vladıslav Babýshkın, Andreı Terman men О́mirserik Dosjan ıe boldy.

Komandalyq kópsaıysta birinshi oryndy Japonııa ıelense, ekinshi orynǵa Ońtústik Koreıa quramasy kóterildi.

Buǵan deıin eresekter quramasy da Azııa chempıonatynda úshinshi oryndy alǵan bolatyn.

Dastan KENJALIN,

ASTANA