Sporttyq gımnastıkadan ACh: Qazaqstan erler komandasy úsh altyn júlde aldy

Ońtústik Koreıanyń Chechhon qalasynda sporttyq gımnastıkadan jasóspirimder men erler arasyndaǵy Azııa chempıonaty aıaqtaldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Qazaqstan komandasy úsh jarys kúninde jeti júldege ıe boldy. Onyń úsheýi altyn, ekeýi kúmis, ekeýi qola medal.

Parıj Olımpıadasynyń kúmis júldegeri Narıman Kýrbanov tutqaly at snarıadyndaǵy jattyǵýda eshkimge des bermeı, chempıon atandy. Ol fınalda álemdegi eń kúrdeli kombınaııany oryndap, 14.933 upaı jınady. Sodan keıin jasóspirimder sanatynda Roman Hegaı Narıman sekildi dál osy dısıplınada chempıon ataǵyn jeńip aldy (fınalda 13.800 ball). Al Nurtań Ydyrysov qos syryq dısıplınasynda úzdik shyqty. Ol fınalda 13.933 upaı ıelendi.

Bul — Parıj Olımpıadasynan keıingi alǵashqy iri jarys. Sol sebepti, alǵan júldeniń orny bólek. Jasyratyny joq, bizdiń qurlyqtaǵy gımnastar álemdik deńgeıde óte myqty. Munda qarsylastarmen synǵa túsý — erekshe áser beredi,- dedi úsh dúrkin Azııa chempıony atanǵan Narıman Sportty damytý dırekııasynyń baspasóz qyzmetine bergen suhbatynda.

Erkin jattyǵýda álem chempıonatynyń qola júldegeri Mılad Karımı Chechhonda osy synda kúmispen kúpteldi. Taǵy bir ekinshi oryn tutqaly at snarıadynda Nurtań Ydyrysovtyń enshisinde (jasóspirimder sanaty).

Komandalyq kópsaıysta Qazaqstan erler jáne jasóspirimder quramasy úshinshi orynnan kórindi.

Byltyr ótken XI sary qurlyq básekesinde ulttyq qurama (jasóspirimder, erler, áıelder) jalpy esepte Qytaı men Fılıppınnen keıin úshinshi oryn alǵan. Tashkent qalasynda gımnastarymyz 3 altyn, 4 kúmis, 2 qola medal ıelengen.

Jalpy, Chechhon qalasyndaǵy jarysqa 24 eldiń tańdaýly sportshylary jınaldy. Endi 12-15 maýsym aralyǵynda áıelder ózara júldege talasady.