«قايرات» قۇرامىن برازيليالىقتارمەن تولتىرىپ جاتىر

«قايرات» پەن چەحيانىڭ «ۆيكتوريا» (پلزەن) فۋتبول كلۋبتارى برازيليانىڭ شابۋىلشىسى ريكاردينونى ءبىر جىلعا جالعا الۋ تۋرالى كەلىسىم جاساستى.

الماتى قالاسى فۋتبول كلۋبىنىڭ حابارلاۋىنشا، ونىڭ جاسى 24-تە. الاڭدا شابۋىلشى بولىپ وينايدى. بويى — 180 سم. سالماعى — 74 كگ.

ريكاردو ۆيانا فيلو — سان-پاۋلۋ شتاتىندا تۋعان. ول وسى اتتاس كلۋبتىڭ تۇلەگى. كاسىپقوي فۋتبولشى بولىپ العاش رەت جاسىل الاڭعا «گرەميودا» كلۋبىنىڭ جەيدەسىن كيىپ شىققان. ودان كەيىن «اتلەتيكو گويانيەنسە» (برازيليا) جانە «ماريتيمۋ» (پورتۋگاليا) كلۋبتارىندا ويناعان.

2023 جىلدىڭ باسىندا بولگاريانىڭ «لەۆسكي» كومانداسىنا اۋىستى. سول كزەدە كلۋب كوشباسشىلارىنىڭ بىرىنە اينالدى. ول 56 ماتچتا 20 گول سالىپ، 8 ناتيجەلى پاس بەردى.

2024 جىلعى جازدا چەحيانىڭ پلزەننىڭ «ۆيكتوريا» جاساعىمەن كەلىسىمشارتقا وتىرىپ، ونىڭ ساپىندا ۋەفا ەۋروپا ليگاسىنىڭ توپتىق كەزەڭىندە دوپ تەپتى.

2025 جىلدىڭ العاشقى جارتىسىندا ءيزرايلدىڭ حايفا قالاسىنىڭ «ماككابي» كومانداسىندا 11 رەت الاڭعا شىعىپ، 1 گول سوقتى.

داستان كەنجالين،

استانا