SportPress.kz Qazaqstan sport jańalyqtary
«Qaırat» pen Chehııanyń «Vıktorııa» (Plzen) fýtbol klýbtary Brazılııanyń shabýylshysy Rıkardınony bir jylǵa jalǵa alý týraly kelisim jasasty.
Almaty qalasy fýtbol klýbynyń habarlaýynsha, onyń jasy 24-te. Alańda shabýylshy bolyp oınaıdy. Boıy — 180 sm. Salmaǵy — 74 kg.
Rıkardo Vıana Fılo — San-Paýlý shtatynda týǵan. Ol osy attas klýbtyń túlegi. Kásipqoı fýtbolshy bolyp alǵash ret jasyl alańǵa «Gremıoda» klýbynyń jeıdesin kıip shyqqan. Odan keıin «Atletıko Goııanıense» (Brazılııa) jáne «Marıtımý» (Portýgalııa) klýbtarynda oınaǵan.
2023 jyldyń basynda Bolgarııanyń «Levskı» komandasyna aýysty. Sol kzede klýb kóshbasshylarynyń birine aınaldy. Ol 56 matchta 20 gol salyp, 8 nátıjeli pas berdi.
2024 jylǵy jazda Chehııanyń Plzenniń «Vıktorııa» jasaǵymen kelisimshartqa otyryp, onyń sapynda ÝEFA Eýropa lıgasynyń toptyq kezeńinde dop tepti.
2025 jyldyń alǵashqy jartysynda Izraıldiń Haıfa qalasynyń «Makkabı» komandasynda 11 ret alańǵa shyǵyp, 1 gol soqty.
Dastan KENJALIN,
ASTANA
