Challenge Cup: Қазақстан спорттық гимнастикадан үш медаль алды

Ташкент қаласында спорттық гимнастикадан Challenge Cup турнирінде ұлттық құраманың үш спортшысы құрмет тұғырының ең биік сатысына  көтерілді, деп хабарлады Туризм және спорт министрлігі Спортты дамыту дирекциясының баспасөз қызметі.

Қоссырық жаттығуының финалында Ильяс Азизов күміс (13.100 ұпай), тағы бір отандасымыз Дмитрий Патанин қола жүлдегер (12.700 ұпай) атанды. Бұл жаттығуда жарыс иесі Акрорхон Темірхонов 13.550 балл жинап, топ жарды.

Әйелдер арасында бөрене жаттығуында Көркем Ербосынқызы финалда үздік үштіктен көрінді. Ол 12.100 балл алып, Challenge Cup жарысында алғашқы жүлдеге ие болды.

Жүлдегерлер:

1. Кайлия Немор 13.300 (Алжир)
2. Одинахон Робиджонова 12.500 (Өзбекстан)
3. Көркем Ербосынқызы 12.100 (Қазақстан).