Еркін күрес: Қазақстан U23 Азия чемпионатын екінші орынмен аяқтады

Бүгін Вьетнамның Вунгтау қаласында 23 жасқа дейінгі палуандар арасындағы Азия чемпионаты мәресіне жетті.

Чемпионаттың соңғы күні ұлттық құрама команда қоржыны тағы 2 күміс, 3 қола жүлдемен толықты. Онда Мерей Базарбаев (-61 кг) пен Елнар Шілдебай (-86 кг) күміс медалист болса, Нұрдәулет Сейілбеков (-74 кг), Асхаб Хаджиев (-79 кг) пен Әлімжан Сәлімжан (125 кг) қола жүлдені қанағат тұтты.

Еркін күрес палуандары 1 алтын, 3 күміс, 3 қола медаль иеленіп, жалпы есепте Үндістаннан кейін екінші орынға шықты. Үшінші орынды Өзбекстан құрама алды.

Биыл чемпионатқа еркін күрес бойынша 13 мемлекеттен 80 спортшы қатысты.

Дастан КЕНЖАЛИН,

АСТАНА

61 кг — Алтын медаль: Нихил Нихил (Үндістан), Күміс жүлде: Мерей Базарбаев (Қазақстан), Қола медаль: Батнасан Ганхулег (Моңғолия), Кван Мион Ким (КХДР)

Жаттықтырушылар