Erkin kúres: Qazaqstan U23 Azııa chempıonatyn ekinshi orynmen aıaqtady

Búgin Vetnamnyń Výngtaý qalasynda 23 jasqa deıingi palýandar arasyndaǵy Azııa chempıonaty máresine jetti.

Chempıonattyń sońǵy kúni ulttyq qurama komanda qorjyny taǵy 2 kúmis, 3 qola júldemen tolyqty. Onda Mereı Bazarbaev (-61 kg) pen Elnar Shildebaı (-86 kg) kúmis medalıst bolsa, Nurdáýlet Seıilbekov (-74 kg), Ashab Hadjıev (-79 kg) pen Álimjan Sálimjan (125 kg) qola júldeni qanaǵat tutty.

Erkin kúres palýandary 1 altyn, 3 kúmis, 3 qola medal ıelenip, jalpy esepte Úndistannan keıin ekinshi orynǵa shyqty. Úshinshi oryndy О́zbekstan qurama aldy.

Bıyl chempıonatqa erkin kúres boıynsha 13 memleketten 80 sportshy qatysty.

Dastan KENJALIN,

ASTANA

61 kg — Altyn medal: Nıhıl Nıhıl (Úndistan), Kúmis júlde: Mereı Bazarbaev (Qazaqstan), Qola medal: Batnasan Ganhýleg (Mońǵolııa), Kvan Mıon Kım (KHDR)

Jattyqtyrýshylar