Taekvondodan Álem kýbogy: Qazaqstan quramasy qola júlde aldy

Búgin Ońtústik Koreıanyń Chhýnchhon qalasynda bastalǵan taekvondodan komandalyq Álem kýbogynda Qazaqstan erler quramasy qola júldeni jeńip aldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Júlde úshin jekpe-jekte otandastarymyz Marokko sportshylarynan 2:1 esebimen basym tústi. Komanda sapynda Bekasyl Ergesh, Abdrahman Marıpov, Mergen Ǵanıev, Nurbek Ǵazez synǵa tústi.

Irikteýde Qazaqstan Úndistandy jeńip, jartylaı fınalda Ońtústik Koreıaǵa 1:2 esebimen ese jiberdi. Osylaısha, erler komandasy jyldyń sońynda bolatyn Álem kýbogyna joldama aldy.

Endi erteń áıelder arasyndaǵy komandalyq saıys bolady. Qazaqstan sportshylarynyń  alǵashqy qarsylasy – qytaı taekvondoshylary.