World Boxing: Qazaqstan qyzdar quramasy jeti júlde aldy

Taılandtyń astanasy — Bangkok qalasynda Búkil álemdik boks odaǵynyń (World Boxing) uıymdastyrýymen 19 jasqa deıingi qyzdar arasynda ótip jatqan Azııa chempıonatynda Qazaqstan quramasy jeti júldemen jarysty aıaqtady.

Sary qurlyq dodasynda burymdy boksshylar 1 altyn, 1 kúmis jáne 5 qola medal ıelendi. El quramasynan Quralaı Eginbaıqyzy (80 kg) Azııa chempıony ataǵyn jeńip aldy. Ol fınalda úndi Krıtıka Ýasandy 3:2 esebimen jeńdi.

Aıajan Ermek (57 kg) kúmis júldeger atansa, Aıym Tańqybaeva (51 kg), Janel Imantaeva (54 kg), Alına Kudaıgenova (60 kg), Aqbota Esimbekova (65 kg) pen Sabına Jaqsylyq (80 keliden asa salmaqta) qola júldeni qanaǵat tutty.

Azııa chempıonaty 30 shilde bastalǵan edi. Ol 12 tamyzǵa deıin bolady. Oǵan 25 elden 396 boksshy (237 er jáne 159 áıel) qatysyp jatyr.

Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrikmenstan, О́zbekstan, BAÁ, Vetnam, Býtan bar.

Endi qurlyqtyq dodada 19 jasqa deıingi uldar arasynda jekpe-jekter bolady.

Dastan KENJALIN,

ASTANA