قازاقستان قۇراماسى ۋەلستەن جەڭىلدى

بۇگىن «استانا ارەنا» ستاديونىندا فۋتبولدان قازاقستان مەن ۋەلس ۇلتتىق قۇراما كوماندالارى 2026 جىلعى الەم چەمپيوناتى ىرىكتەۋ تۋرنيرىندە كەزەكتى رەت جاسىل الاڭعا شىقتى.

بۇعان دەيىن كوماندالار «كارديفف سيتي» ستاديونىندا ويناپ، سول ماتچتا ۋەلس جاساعى قازاقستان قۇراماسىن 3:1 ەسەبىمەن جەڭگەن ەدى.  بۇگىنگى ەكىنشى ماتچتا دا ۋەلس الاڭ يەلەرىنەن باسىم ءتۇستى. ماتچ 1:0 ەسەبىمەن قوناقتاردىڭ پايداسىنا شەشىلدى. ويىندا 25-مينۋتتا كيففەر مۋر جالعىز گولدىڭ اۆتورى اتاندى.

بۇل ماتچتا الاڭعا قازاقستان قۇراماسى ساپىندا تەمىرلان اناربەكوۆ، يان ۆوروگوۆسكي، سەرگەي مالىي، الىبەك كاسىم، نۇرالى ءالىپ، باعدات قايىروۆ، رامازان ورازوۆ، دامير قاسابولات، عالىمجان كەنجەبەك، ماكسيم سامورودوۆ پەن داستان ساتپاەۆ شىقتى.

ماتچتا ۇلىبريتانيا ارالىنان كەلگەن قۇراما كوماندا  العاشقى مينۋتتان باستاپ جيناقى ويناپ، الاڭ يەلەرىنىڭ قاقپاسىنا قاۋىپتى جاعداي جاساپ وتىردى. ولار الاڭنىڭ قوس قاپتالىنان ءجيى شابۋىل جاساپ، تەمىرلان اناربەكوۆ قورعاعان قاقپانىڭ كىلتىن تابۋعا تىرىستى.

ويىندا الاڭ يەلەرى دە قارسى شابۋىلعا شىقتى. جارتىلاي قورعاۋشى عالىمجان كەنجەبەكتىڭ  گول سوعۋعا تاماشا مۇمكىندىگى بولدى.  بىراق ونىڭ تەپكەن دوبى قاقپا باعاناسىنان ءسال قيىس كەتتى.

وسىلايشا قازاقستان كومانداسى قارسىلاسىنان 0:1 ەسەبىمەن جەڭىلدى. ەسكە سالا كەتسەك، قازاقستان  قۇراماسى J توبىندا سىنعا ءتۇسىپ جاتىر. بۇل توپتا ۇلتتىق قۇرامادان باسقا بەلگيا، سولتۇستىك ماكەدونيا، ۋەلس جانە ليحتەنشتەين جاساقتارى بار.

قازىر توپتى 4 ويىننان كەيىن 8 ۇپاي جيناعان سولتۇستىك ماكەدونيا باستاپ كەلەدى. ۋەلس قۇراماسى 7 ۇپايمەن ەكىنشى ورىندا تۇرسا، ءۇشىنشى ورىندا 4 ۇپايمەن بەلگيا، ءتورتىنشى ورىندا 3 ۇپايى قازاقستان قۇراماسى تۇر.

بۇعان دەيىن ۇلتتىق قۇراما ۋەلس (1:3) پەن سولتۇستىك ماكەدونيا (0:1) قۇرامالارىنان جەڭىلىپ، ليحتەنشتەيندى (2:0) جەڭگەن بولاتىن.

ەندى ەلىمىزدىڭ باس كومانداسى 7 قىركۇيەكتە سىرت الاڭدا بەلگيامەن وينادى.

داستان كەنجالين

فوتو: ءىلياس وماروۆ،

استانا