Qazaqstan quramasy Ýelsten jeńildi

Búgin «Astana Arena» stadıonynda fýtboldan Qazaqstan men Ýels ulttyq qurama komandalary 2026 jylǵy álem chempıonaty irikteý týrnırinde kezekti ret jasyl alańǵa shyqty.

Buǵan deıin komandalar «Kardıff sıtı» stadıonynda oınap, sol matchta Ýels jasaǵy Qazaqstan quramasyn 3:1 esebimen jeńgen edi.  Búgingi ekinshi matchta da Ýels alań ıelerinen basym tústi. Match 1:0 esebimen qonaqtardyń paıdasyna sheshildi. Oıynda 25-mınýtta Kıffer Mýr jalǵyz goldyń avtory atandy.

Bul matchta alańǵa Qazaqstan quramasy sapynda Temirlan Anarbekov, Ian Vorogovskıı, Sergeı Malyı, Álibek Kasym, Nuraly Álip, Baǵdat Qaıyrov, Ramazan Orazov, Damır Qasabolat, Ǵalymjan Kenjebek, Maksım Samorodov pen Dastan Sátpaev shyqty.

Matchta Ulybrıtanııa aralynan kelgen qurama komanda  alǵashqy mınýttan bastap jınaqy oınap, alań ıeleriniń qaqpasyna qaýipti jaǵdaı jasap otyrdy. Olar alańnyń qos qaptalynan jıi shabýyl jasap, Temirlan Anarbekov qorǵaǵan qaqpanyń kiltin tabýǵa tyrysty.

Oıynda alań ıeleri de qarsy shabýylǵa shyqty. Jartylaı qorǵaýshy Ǵalymjan Kenjebektiń  gol soǵýǵa tamasha múmkindigi boldy.  Biraq onyń tepken doby qaqpa baǵanasynan sál qıys ketti.

Osylaısha Qazaqstan komandasy qarsylasynan 0:1 esebimen jeńildi. Eske sala ketsek, Qazaqstan  quramasy J tobynda synǵa túsip jatyr. Bul topta ulttyq quramadan basqa Belgııa, Soltústik Makedonııa, Ýels jáne Lıhtenshteın jasaqtary bar.

Qazir topty 4 oıynnan keıin 8 upaı jınaǵan Soltústik Makedonııa bastap keledi. Ýels quramasy 7 upaımen ekinshi orynda tursa, úshinshi orynda 4 upaımen Belgııa, tórtinshi orynda 3 upaıy Qazaqstan quramasy tur.

Buǵan deıin ulttyq qurama Ýels (1:3) pen Soltústik Makedonııa (0:1) quramalarynan jeńilip, Lıhtenshteındi (2:0) jeńgen bolatyn.

Endi elimizdiń bas komandasy 7 qyrkúıekte syrt alańda Belgııamen oınady.

Dastan KENJALIN

Foto: Ilııas OMAROV,

ASTANA