سپورت جۋرناليستەرى مەن جانكۇيەرلەردىڭ نازارىنا!

قۇرمەتتى ارىپتەستەر، سپورت جاناشىرلارى!

سىزدەرگە حالىقارالىق سپورت باسىلىمدارى قاۋىمداستىعىنىڭ (AIPS، International Sports Press Association) 2026 جىلعا ارنالعان كارتاسىن الۋعا مۇمكىندىك جاسالىپ وتىرعانىن حابارلايمىز.

ايپس-ءتىڭ كارتاسى جىل سايىن بەرىلەدى. ونى العان ادام شەتەلگە ءىس-ساپارعا نەمەسە دەمالىسقا شىققاندا كارتانى كورسەتىپ، كەز كەلگەن جارىستى تاماشالاي الادى. سونىمەن بىرگە كارتانى پايدالانىپ، ۇلتتىق مۇراجايلارعا تەگىن كىرۋگە بولادى.

كارتانى الۋ ءۇشىن حالىقارالىق سپورت باسىلىمدارى قاۋىمداستىعىنىڭ رەسمي سايتىنا كىرىپ، شاعىن انكەتانى تولتىرىپ، تىركەلۋ كەرەك. كارتانىڭ باعاسى – ءبىر جىلعا 40 اقش دوللارى. ودان كەيىن ونى سايتتاعى انكەتانى تولتىرىپ، جىل سايىن جوعارىدا اتالعان سومانى تولەپ، ۇزارتىپ وتىرۋعا بولادى.

سايتتاعى انكەتانى تولتىرىپ، تىركەلگەن سوڭ، 40 اقش دوللارىن قولما-قول «سپورت باسىلىمدارى فەدەراتسياسى» قوعامدىق قورىنىڭ وكىلدەرىنە تاپسىراسىزدار. قوردىڭ وكىلدەرى اقشانى جىلدىڭ سوڭىنا قاراي حالىقارالىق سپورت باسىلىمدارى قاۋىمداستىعىنا جىبەرەدى. سودان كەيىن سىزدەرگە ايپس-ءتىڭ كارتاسى بەرىلەدى.

حالىقارالىق سپورت باسىلىمدارى قاۋىمداستىعىنىڭ كارتاسىن الۋ ءۇشىن مىنا تەلەفون نومەرىنە حابارلاسىڭىزدار.

8 707 747 04 71

قۇرمەتپەن، «سپورت باسىلىمدارى فەدەراتسياسى» قوعامدىق قورى

انىقتاما

حالىقارالىق سپورت باسىلىمدارى قاۋىمداستىعى (AIPS، International Sports Press Association) 1924 جىلى، 2 شىلدەدە قۇرىلعان.

بۇگىندە ونىڭ قۇرامىنا 200-گە تارتا مەملەكەتتىڭ سپورت جۋرناليستەرى فەدەراتسياسى (قاۋىمداستىعى، وداعى) كىرەدى.

1995 جىلدان بەرى، 2 شىلدە AIPS شەشىمىمەن، حالىقارالىق سپورت جۋرناليستەرى كۇنى بولىپ اتالىپ ءوتىپ كەلەدى.

2024 جىلى AIPS ءوزىنىڭ 100 جىلدىعىن اتاپ ءوتتى. جىل بويى ۇيىمداستىرىلعان ءىس-شارالاردىڭ ءبارى ءبىر عاسىرلىق مەرەيتويعا ارنالدى.

قازاقستان AIPS قۇرامىنا 1993 جىلى كىرگەن. اۋەلدە 1992 جىلى قازاقستان سپورت باسىلىمدارى قاۋىمداستىعى بولىپ قۇرىلدى. ىرگەسىن قالاعان – تانىمال سپورت ءجۋرناليسى، جازۋشى جانە قوعام قايراتكەرى نەسىپ ءجۇنىسباي ۇلى.

كەيىننەن زامان تالابىنا سايكەس «قازاقستان سپورت باسىلىمدارى قاۋىمداستىعى» جشس بولىپ، قۇقىقتىق نىسانىن وزگەرتتى.

2021 جىلى «قازاقستان سپورت باسىلىمدارى قاۋىمداستىعى» جشس-ءى ۋاقىت كوشىنە ساي، «سپورت باسىلىمدارى فەدەراتسياسى» قوعامدىق قورى بولىپ، قۇقىقتىق نىسانىن تاعى وزگەرتتى.