SportPress.kz Qazaqstan sport jańalyqtary
Qurmetti áriptester, sport janashyrlary!
Sizderge Halyqaralyq sport basylymdary qaýymdastyǵynyń (AIPS, International Sports Press Association) 2026 jylǵa arnalǵan kartasyn alýǵa múmkindik jasalyp otyrǵanyn habarlaımyz.
AIPS-tiń kartasy jyl saıyn beriledi. Ony alǵan adam shetelge is-saparǵa nemese demalysqa shyqqanda kartany kórsetip, kez kelgen jarysty tamashalaı alady. Sonymen birge kartany paıdalanyp, ulttyq murajaılarǵa tegin kirýge bolady.
Kartany alý úshin Halyqaralyq sport basylymdary qaýymdastyǵynyń resmı saıtyna kirip, shaǵyn anketany toltyryp, tirkelý kerek. Kartanyń baǵasy – bir jylǵa 40 AQSh dollary. Odan keıin ony saıttaǵy anketany toltyryp, jyl saıyn joǵaryda atalǵan somany tólep, uzartyp otyrýǵa bolady.
Saıttaǵy anketany toltyryp, tirkelgen soń, 40 AQSh dollaryn qolma-qol «Sport basylymdary federaııasy» Qoǵamdyq qorynyń ókilderine tapsyrasyzdar. Qordyń ókilderi aqshany jyldyń sońyna qaraı Halyqaralyq sport basylymdary qaýymdastyǵyna jiberedi. Sodan keıin sizderge AIPS-tiń kartasy beriledi.
Halyqaralyq sport basylymdary qaýymdastyǵynyń kartasyn alý úshin myna telefon nomerine habarlasyńyzdar.
8 707 747 04 71
Qurmetpen, «Sport basylymdary federaııasy» Qoǵamdyq qory
Anyqtama
Halyqaralyq sport basylymdary qaýymdastyǵy (AIPS, International Sports Press Association) 1924 jyly, 2 shildede qurylǵan.
Búginde onyń quramyna 200-ge tarta memlekettiń sport jýrnalısteri federaııasy (qaýymdastyǵy, odaǵy) kiredi.
1995 jyldan beri, 2 shilde AIPS sheshimimen, Halyqaralyq sport jýrnalısteri kúni bolyp atalyp ótip keledi.
2024 jyly AIPS óziniń 100 jyldyǵyn atap ótti. Jyl boıy uıymdastyrylǵan is-sharalardyń bári bir ǵasyrlyq mereıtoıǵa arnaldy.
Qazaqstan AIPS quramyna 1993 jyly kirgen. Áýelde 1992 jyly Qazaqstan sport basylymdary qaýymdastyǵy bolyp quryldy. Irgesin qalaǵan – tanymal sport jýrnalısi, jazýshy jáne qoǵam qaıratkeri Nesip Júnisbaıuly.
Keıinnen zaman talabyna sáıkes «Qazaqstan sport basylymdary qaýymdastyǵy» JShS bolyp, quqyqtyq nysanyn ózgertti.
2021 jyly «Qazaqstan sport basylymdary qaýymdastyǵy» JShS-i ýaqyt kóshine saı, «Sport basylymdary federaııasy» Qoǵamdyq qory bolyp, quqyqtyq nysanyn taǵy ózgertti.
