SportPress.kz Qazaqstan sport jańalyqtary
«Qaırat» pen «Real Madrıd» matchyna bıletter satylymǵa shyǵady
Búgin saǵat 17:00–de «Qaırat» (Almaty) men «Real» (Madrıd) matchyna bıletter satylymy bastalady, dep habarlady fckairat.com.
Árbir matchqa bılettiń baǵasy — 30 myńnan 250 myń teńgege deıin bolady.
Batys trıbýna 1-9 sektor (1-2 qatar) — 30 myń teńge;
Soltústik / Ońtústik trıbýnalar — 75 myń teńge;
Shyǵys trıbýna — 150 myń teńge;
Batys trıbýna — 250 myń teńge;
Erejege sáıkes, bir adamǵa eki bıletten artyq satyp alýǵa bolmaıdy. Bılet alǵan kezde jeke kýálik nemese tólqujat derekteri kórsetilýi qajet. Derekter satyp alý kezinde de, stadıonǵa kirgende de muqııat tekseriledi.
Bıletterdi Ticketon platformasynda, FCKAIRAT.COM saıtynda jáne Qairat Superapp qosymshasynda satyp alýǵa bolady.
«Qaırat» pen «Real Madrıd» klýbtarynyń ÝEFA Chempıondar lıgasynyń toptyq kezeńi aıasyndaǵy oıyny 30 qyrkúıekte Ortalyq stadıonda saǵat 21:45-te bastalady.
